हॅलो महाराष्ट्र ऑनलाईन । BSNL Recharge Plan – भारत संचार निगम लिमिटेड (BSNL) ने भारतातील आपल्या प्रीपेड मोबाईल वापरकर्त्यांसाठी एक नवीन रिचार्ज प्लॅन लाँच केला आहे. 251 रुपये किमतीचा हा नवीन BSNL रिचार्ज प्लॅन ‘स्पेशल टॅरिफ व्हाउचर’ (STV) म्हणून सादर केला गेला आहे. याचा अर्थ, या प्लॅनमध्ये सेवा व्हॅलिडिटी ऑफर नाही. हा नवीन प्रीपेड रिचार्ज व्हाउचर खासकरून भारतीय प्रीमियर लीग (IPL) पाहणाऱ्या वापरकर्त्यांसाठी सादर केला गेला आहे. या प्लॅनमध्ये ग्राहकांना डेटा फायदे मिळतात. तर चला या रिचार्जबद्दल अधिक माहिती जाणून घेऊयात.
BSNLचा स्पेशल टॅरिफ व्हाउचर (BSNL Recharge Plan) –
BSNL ने या स्पेशल टॅरिफ व्हाउचरला IPL 251 नावाने सादर केले आहे. या प्लॅनमध्ये 251 रुपये किमतीत 251GB पर्यंत डेटा दिला जातो. या प्लॅनची व्हॅलिडिटी 60 दिवसांची आहे. फेअर युज पॉलिसी (FUP) अंतर्गत, ग्राहकांना प्लॅनमध्ये दिलेला डेटा संपल्यानंतर 40 Kbps स्पीडवर इंटरनेट वापरण्याची संधी मिळते. यातील महत्वाची गोष्ट म्हणजे, 251 रुपये किमतीच्या STV मध्ये कोणतीही सेवा व्हॅलिडिटी मिळत नाही. त्यामुळे या प्लॅनचा उपयोग करण्यासाठी एक सक्रिय बेस प्लॅन आवश्यक आहे.
90 दिवसांसाठी OTT स्ट्रीमिंग सेवा –
BSNL च्या या प्लॅनसोबतच (BSNL Recharge Plan) , अन्य टेलिकॉम कंपन्यांकडेही IPL च्या दृष्टीने खास प्रीपेड रिचार्ज प्लॅन्स लाँच केले आहेत. जिओकडे 100 रुपये किमतीचा रिचार्ज प्लॅन आहे ज्यामध्ये 90 दिवसांसाठी जिओहॉटस्टारचे सब्स्क्रिप्शन मिळते. या प्लॅनमध्ये जाहिरात-आधारित जिओहॉटस्टार सब्सक्रिप्शन दिले जाते. एयरटेलनेही नुकतेच दोन नवीन क्रिकेट पॅक सादर केले आहेत ज्यात जिओहॉटस्टार सब्सक्रिप्शन मोफत दिले जाते. 100 रुपये किमतीच्या रिचार्ज पॅकमध्ये 30 दिवसांची व्हॅलिडिटी आणि 5GB डेटा मिळतो, तसेच 30 दिवसांसाठी जिओहॉटस्टार सब्सक्रिप्शन दिले जाते. 195 रुपये किमतीच्या रिचार्ज प्लॅनमध्ये 15GB डेटा मिळतो अन 90 दिवसांसाठी OTT स्ट्रीमिंग सेवा मिळते.
