महाराष्ट्रात विधानसभेच्या निवडणुकीचा बिगुल वाजला आहे. येत्या २० नोव्हेंबरला मतदान तर २३ नोव्हेंबरला मतमोजणी करण्यात येणार आहे. राज्यात आचारसंहिता सुद्धा लागू करण्यात आली आहे. निवडणूक जाहीर झाल्यानंतर आता राज्यात राजकीय घडमोडींना प्रचंड वेग आला आहे. आज महायुती सरकार कडून महत्वाची पत्रकार परिषद घेण्यात आली. या पत्रकार परिषदेला मुख्यमंत्री एकनाथ शिंदे , उपमुख्यमंत्री देवेंद्र फडणवीस , अजित पवार यांच्यासह इतर मान्यवरांची उपस्थिती होती. या पत्रकार परिषदेदरम्यान बोलताना वोरोधकांवर हल्लाबोल केला.
मुख्यमंत्री लाडकी बहिणी योजनेवरून विरोधकांकडून वारंवार टीका केली जाते याच टीकेला उत्तर लाडकी बहीण योजनेला हात लावाल तर करेक्ट कार्यक्रम होईल असं शिंदेंनी भर पत्रकार परिषदेमध्ये स्पष्ट सांगितलं..
… तर करेक्ट कार्यक्रम होईल
यावेळी बोलताना ते म्हणाले, विरोधक म्हणतात आम्ही सत्तेत आलो तर पोलखोल करणार,महायुतीने आणलेल्या सर्व योजना बंद करणार,अशी टीका विरोधक करतात. पण या योजना बंद करणाऱ्यांना जनता साथ देणार नाही. हे खुलेआम बोलायला लागले त्यांच्यात जेलसी निर्माण झाले आहे अशी टीका मुख्यमंत्री एकनाथ शिंदे यांनी केली. त्यांच्या अशा बोलण्याने लोक त्यांच्या विरोधात जातील आणि लाडकी बहीण योजनेला जर कोणी टच करायला गेलं तर त्याचा कार्यक्रम झाला समजा. त्यांचा करेक्ट कार्यक्रम होणार… आमच्या लाडक्या बहिणी हे ऐकून घेणार नाहीत. असा हल्लाबोल पत्रकार परिषदेच्या दरम्यान एकनाथ शिंदे यांनी विरोधकांवर केला.
पुढे बोलताना ते म्हणाले आम्ही त्यांना सांगितले केंद्र सरकार आणि आम्ही मिळून आमच्या बहिणींना लखपती बनवणार आहोत त्यासाठी आम्ही काम करतो आहे असेही यावेळी शिंदे म्हणाले.
महायुतीकडून रिपोर्टकार्ड प्रकाशित
या पत्रकार परिषदेत महायुती सरकार कडून महायुती सरकारचे रिपोर्टकार्ड प्रकाशित करण्यात आले. २०२२ ते २०२४ या दोन वर्षात महायुती सरकारने केलेल्या कामांचा आढावा या रोपोर्टकार्डमध्ये देण्यात आला आहे. यावेळी माहिती देताना दोन वर्षाच्या कार्यकाळात शेतकरी , महिला , युवक ,वृद्ध अशा सर्व घटकांसाठी महायुतीने काम केल्याची माहिती उपमुख्यमंत्री अजित पवार यांच्याकडून देण्यात आली.