कार्बन उत्सर्जन ही पर्यावरणासाठी एक गंभीर समस्या बनली आहे. जगभरातील अनेक देश कार्बन उत्सर्जन कमी करण्यासाठी प्रयत्न करीत आहेत. मात्र भारतासाठी एक चांगली बातमी आहे. दिनांक १४ ऑगस्ट रोजी दिल्लीतील विमानतळ नेट झिरो कार्बन उत्सर्जन दर्जा प्राप्त करणारे देशातील पहिले विमानतळ बनले आहे चला जाणून घेऊया याबाबत अधिक माहिती
दिल्ली इंटरनॅशनल एअरपोर्ट लिमिटेड (DIAL), जीएमआर एअरपोर्ट इन्फ्रास्ट्रक्चर लिमिटेडची उपकंपनी आहे, दिनांक १४ ऑगस्ट रोजी इंदिरा गांधी आंतरराष्ट्रीय विमानतळ हे नेट झिरो कार्बन उत्सर्जन दर्जा प्राप्त करणारे देशातील पहिले विमानतळ बनले असल्याची घोषणा केली आहे. DIAL ने जारी केलेल्या निवेदनात याबाबत माहिती देण्यात आली आहे.
नियोजित वेळेपूर्वी लक्ष्य गाठले
दिल्ली विमानतळाने सुरुवातीला 2030 पर्यंत “नेट झिरो कार्बन उत्सर्जन विमानतळ” बनण्याचे लक्ष्य ठेवले होते.परंतु नवीकरणीय ऊर्जेचा अवलंब, हरित विमानतळाच्या पायाभूत सुविधांचा विकास, इलेक्ट्रिक वाहनांना प्रोत्साहन यांसारख्या नाविन्यपूर्ण धोरण आणि उपक्रमांच्या मदतीने विमानतळाने निर्धारित वेळेच्या आधीच आपले लक्ष्य निर्धारित वेळेपेक्षा आधी गाठले आहे.
लेव्हल 5 प्रमाणपत्र
या ऐतिहासिक कामगिरीसाठी दिल्ली विमानतळाला लेव्हल 5 प्रमाणपत्र देण्यात आले आहे. दिल्ली इंटरनॅशनल एअरपोर्ट लिमिटेडने म्हटले आहे की विमानतळाने त्याचे स्कोप 1 आणि 2 CO2 उत्सर्जन 90% कमी करण्यात यशस्वी झाले आहे. DIAL ने 2050 पर्यंत स्कोप 3 शून्य कार्बन उत्सर्जन साध्य करण्यासाठी, ACI च्या ACA फ्रेमवर्क आणि शाश्वत भविष्यासाठी जागतिक प्रयत्नांसह संरेखित करण्यासाठी वचनबद्ध केले आहे.
