आपल्या घरामध्ये तुम्हाला मुंग्यांचा वावर जास्त प्रमाणात दिसत असतील. मग फरशीवर थोडासा जरी अन्नाचा कण जरी पडला तरी त्याला लगेच मुंग्यांची रांग लागतेच. यात काही मुंग्या ह्या उपद्रवी असतात. त्यांच्या चावण्याने खूप (Kitchen Tips) जळजळ तर होतेच पण फोडही उठतात. त्यातही लाल मुंग्यांच्या चावण्याने खूप दाह होतो.
शिवाय अन्न जर किचनमध्ये चुकून जरी उघडे राहीले तर मुंग्या लागल्यामुळे सर्व अन्न पदार्थ खराब होतात. भात, दूध, तलकट पदार्थ अशा पदार्थाना हमखास मुंग्या होतातच त्यामुळेच आजच्या लेखात आपण अशा काही ट्रिक्स पाहणार आहोत ज्यामुळे अवघ्या काही सेकंदात तुम्ही मुंग्यांपासून सुटका करून घेऊ शकता.चला तर मग जाणून घेऊया.
साखरेमध्ये बोरॅक्स पावडर
साखर आणि बोरॅक्स पावडरच्या मदतीने आपण लाल मुंग्यांना पळवून लावू शकतो. यासाठी एका वाटीमध्ये एक चमचा साखर आणि एक चमचा बोरॅक्स पावडर घेऊन मिक्स करा. तयार मिश्रण स्प्रे बॉटलमध्ये भरून ठेवा, आणि ज्याठिकाणी मुंग्या दिसतील, त्याठिकाणी स्प्रे करा.
लिंबू
घरातून लाल मुंग्यांना पळवून लावण्यासाठी लिंबू प्रभावी उपाय ठरेल. यासाठी स्प्रे बॉटलमध्ये पाणी भरा. त्यात लिंबाचा रस मिसळा. जिथून मुंग्या बाहेर पडतील, तिथे स्प्रे करा. लिंबाच्या रसातील उग्र गंधामुळे मुंग्या पळ काढतील.
मीठ
मिठाच्या वापरानेही मुंग्या घरातून पळ काढतील. यासाठी जिथे मुंग्यांची फौज दिसेल, तिथे मीठ शिंपडा. मुंग्या लगेच पळून जातील.
काळी मिरी पावडर
काळी मिरी पावडर फक्त स्वयंपाकात नसून, मुंग्यांना पळवून लावण्यासाठीही याचा वापर आपण करू शकता. घराच्या ज्या भागात मुंग्या दिसतात त्या ठिकाणी काळी मिरी पावडर शिंपडा. त्याजागी मुंग्या आपल्याला पुन्हा दिसणार नाहीत.