Indian Railway : भारतीय रेल्वे, जी दररोज अडीच कोटींहून अधिक प्रवाशांना सेवा पुरवते, ती देशाची ‘लाईफलाईन’ मानली जाते. दरवर्षी सणासुदीच्या काळात मेल आणि एक्सप्रेस गाड्यांमध्ये प्रचंड गर्दी होऊन प्रवाशांना कन्फर्म तिकीट मिळवणे एक महाकठीण काम बनते. विशेषत: उत्तर भारतातील युपी आणि बिहारकडे जाणाऱ्या गाड्यांमध्ये तोच रुटीन असतो – वर्षभर गर्दी आणि तिकीट (Indian Railway) मिळवण्यासाठी संघर्ष. परंतु आता भारतीय रेल्वेने एक ऐतिहासिक बदल जाहीर केला आहे, ज्यामुळे प्रत्येक प्रवाशाला कन्फर्म तिकीट मिळणार आहे आणि प्रतीक्षायादीची समस्या संपणार आहे!
नवीन तिकीट बुकिंग पद्धती (Indian Railway)
रेल्वेमंत्री अश्विनी वैष्णव यांनी संसदेत दिलेल्या एका महत्त्वपूर्ण उत्तरात ही बातमी जाहीर केली. आता भारतीय रेल्वे तिकीटांची विक्री ‘सीट्स’च्या संख्येनुसार केली जाईल. याचा अर्थ, प्रत्येक ट्रेनमध्ये असलेल्या सीट्स जितक्या, तितकेच तिकीट विकले जातील. त्यामुळे, प्रतीक्षायादीचे संकट कायमचे मिटणार आहे आणि प्रत्येक प्रवाशाला कन्फर्म तिकीट मिळणार आहे.
दंड आणि कठोर कारवाई (Indian Railway)
रेल्वेमध्ये तिकीटाशिवाय प्रवास करणाऱ्यांसाठी कठोर नियम आणले गेले आहेत. जर प्रवाशाला तिकीट न घेता प्रवास करताना पकडले गेले, तर त्याला १००० रुपयांपर्यंत दंड भरण्याची सक्त परिस्तिथी येईल. दंड न भरल्यास, प्रवाशावर आरपीएफ च्या माध्यमातून कायदेशीर कारवाई केली जाईल आणि त्याला कोर्टासमोर हजर केले जाईल. अशा प्रवाशांवर ६ महिन्यांचा तुरुंगवास देखील होऊ शकतो.
प्रवाशांच्या सुरक्षिततेसाठी उचललेले महत्त्वपूर्ण पावले
रेल्वे सुरक्षा हे एक अत्यंत महत्त्वाचे विषय ठरले आहे, आणि रेल्वेमंत्र्यांनी यावर विशेष भर दिला आहे. (Indian Railway) लॉन्गर रेल, इलेक्ट्रॉनिक इंटरलॉकिंग, फॉग सेफ्टी डिव्हाइसेस* यांसारख्या अत्याधुनिक तंत्रज्ञानाचा वापर करून रेल्वे सुरक्षा सुधारली आहे. याशिवाय, प्रवाशांच्या सुरक्षिततेसाठी अनेक उपाययोजना करण्यात येत आहेत, ज्यामुळे प्रत्येक प्रवासी अधिक सुरक्षित आणि आरामदायक प्रवास करू शकतील.
जागतिक स्तरावर निर्यातदार (Indian Railway)
भारतीय रेल्वे आता एक प्रमुख जागतिक निर्यातदार बनली आहे. ऑस्ट्रेलिया, युनायटेड किंग्डम, सौदी अरेबिया, फ्रान्स, मेक्सिको, स्पेन, जर्मनी, आणि इटली यांसारख्या देशांमध्ये भारतीय रेल्वेचे कोच आणि ऑपरेशनल उपकरणे निर्यात केली जात आहेत. रेल्वेमंत्री अश्विनी वैष्णव यांनी सांगितले की लवकरच बिहारमधील तयार झालेले इंजिन्स (लोकोमोटिव्ह) आणि तामिळनाडू मध्ये बनवलेली रेल्वे चाकं इतर देशांमध्ये धावतील. यामुळे भारताच्या रेल्वे तंत्रज्ञानाला जागतिक स्तरावर मान्यता मिळेल आणि भारतीय रेल्वे उद्योगाची प्रतिष्ठा वाढेल.
नवीन नियम, प्रवासातील सुखसोयी
या सुधारणा, तांत्रिक प्रगती आणि कडक नियमांच्या पालनामुळे भारतीय रेल्वे प्रवाशांना (Indian Railway) एक आरामदायक, सुरक्षित आणि कन्फर्म तिकीट असलेला अनुभव देईल. यामुळे रेल्वेचे भविष्य अधिक उज्ज्वल आणि प्रवाशांसाठी अधिक आरामदायक ठरेल. यात शंका नाही की, जर हे नियम काटेकोरपणे अंमलात आणले, तर भारतीय रेल्वे प्रवाशांसाठी एक स्वप्नवत अनुभव बनून राहील!
