हॅलो महाराष्ट्र ऑनलाईन। (Indigo Airlines) सोशल मीडिया हा व्यक्त होण्यासाठी एक उत्तम प्लॅटफॉर्म मानला जातो. त्यामुळे सोशल मीडिया हँडलवर वेगवेगळे व्हिडिओ, प्रसंग, अनुभव शेअर करत अनेक लोक दररोज आयुष्यात घडणाऱ्या घटनांबाबत व्यक्त होताना दिसतात. यातील अनेक घटना धक्कादायक, विचित्र तर कधीकधी मनस्ताप देणाऱ्या असतात.
सोशल मीडियावर व्हायरल होणाऱ्या अशा पोस्ट कायम चर्चेत येतात. सध्या अशीच एक घटना इंडिगोच्या एका प्रवाशासोबत घडली आहे. जी त्याने सोशल मीडियावर शेअर केली आहे. यामध्ये त्याने शेअर केलेला फोटो पाहून तुम्हाला तुमच्या डोळ्यांवर विश्वास बसणार नाही. पाहूयात काय आहे हा फोटो आणि नेमकं या प्रवाशासोबत काय घडलं?
सोशल मीडियावर तुम्ही असे अनेक व्हिडिओ पाहिले असतील ज्यामध्ये ऑनलाईन फूड डिलिव्हरी केल्यानंतर जेवणात काहीतरी विचित्र गोष्ट सापडल्याचे निदर्शनास आल्याचे दिसते. याशिवाय अनेक मोठमोठ्या हॉटेलमध्येही असे प्रसंग घडतात. दरम्यान अशीच एक घटना इंडिगोच्या प्रवाशासोबत घडली आहे. (Indigo Airlines) इंडिगो विमानातून प्रवास करताना या प्रवाशाने सँडविच मागवले होते. जे खात असताना त्याला या सँडविचमध्ये स्क्रू असल्याचे आढळले. MacaroonIll3601 या रेडिट अकाउंटवरुन ही पोस्ट शेअर करण्यात आली असून या पोस्टवर अनेक युजर्सनी प्रतिक्रिया दिल्या आहेत.