Konkan News : उन्हाळी सुट्ट्या लागल्या की पर्यटनासाठी कोकणात (Konkan News) जाणाऱ्यांची रीघ लागते. रायगड , रत्नागिरी, सिंधुदुर्ग या विभागातील समुद्र किनाऱ्यांवर भेटीदेण्यासाठी अनेक पर्यटक जात असतात. याबरोबरच याठिकाणाचे जलपर्यटन सुद्धा प्रसिद्ध आहे. मात्र काही दिवसात मान्सूनला सुरुवात होत आहे म्हणूनच खवळलेल्या समुद्रामुळे कोकणातील जलपर्यटन हे 31 ऑगस्ट पर्यंत बंद ठेवण्याचा महत्त्वाचा निर्णय घेण्यात आला आहे. हा निर्णय महाराष्ट्र मेरीटाईम बोर्डाने घेतला असून पर्यटकांच्या सुरक्षेच्या दृष्टीने हा निर्णय घेण्यात आला आहे.
वॉटर स्पोर्ट्स आनंद घेता येणार नाही (Konkan News)
कोकणातील प्रसिद्ध समुद्रकिनाऱ्यावर स्कुबा डायविंग बनाना राईट जेट्स की पॅरासरी अशा साहसी समुद्री खेळांचा आनंद लुटण्यासाठी मोठ्या प्रमाणात पर्यटक येत असतात. सध्या अद्यापही उन्हाळी सुट्ट्या सुरू असल्यामुळे अजूनही कोकणामध्ये (Konkan News) येणाऱ्या पर्यटकांची संख्या जास्तच आहे. मात्र यावर्षी पाऊस सुद्धा लवकर सुरू होत आहे त्यामुळे पर्यटकांच्या सुरक्षेच्या दृष्टीने हा महत्त्वपूर्ण निर्णय घेण्यात आला आहे. त्यामुळे जर तुम्ही अजूनही कोकणात पर्यटनासाठी जाणार असाल तर तुम्हाला वॉटर स्पोर्ट्स आनंद मात्र घेता येणार नाही.
‘या’ कारणांमुळे जल पर्यटन राहणार बंद (Konkan News)
येत्या काही दिवसात मान्सूनच्या पावसाला सुरुवात होत आहे.
खवळलेलया समुद्रामुळे कोकणातील (Konkan News) समुद्री किनारे धोकादायक बनतात.
पर्यटकांच्या सुरक्षिततेच्या दृष्टीने हा निर्णय घेण्यात आला आहे,
महाराष्ट्र मेरीटाईम बोर्डाने हे आदेश जारी केले आहेत.
मान्सूनची कोकणात हजेरी (Konkan News)
दरम्यान हवामान खात्याकडून मिळालेल्या माहितीनुसार नऊ तारखेला अंदमानात मान्सून दाखल झाला असून आता 31 मे रोजी मान्सून केरळमध्ये दाखल होण्याची शक्यता आहे. 10 जून दरम्यान मुंबई आणि कोकणात मान्सून हजेरी लावण्याची शक्यता आहे. 15 जून पर्यंत मान्सूनचे आगमन हे नाशिक, पुणे, कोल्हापूर, सोलापूरसह मराठवाडा, विदर्भात होण्याचा अंदाज व्यक्त केला जात आहे.