Lakhpati Didi Yojana : केंद्र सरकार कडून अनेक लोकोपयोगी अनेक योजना राबवल्या जातात. स्त्रियांना सक्षम बनवण्यासाठी केंद्र सरकार कडून योजना बनवण्यात आल्या आहेत. सध्या महाराष्ट्रात ‘ लाडकी बहीण’ योजनेचा बोलबाला असला तरी महिलांनी आपल्या पायावर सक्षमपणे उभे राहावे याकरिता केंद्र सरकार “लखपती दीदी योजना ” राबवत आहे. केंद्राकडून राबवली जाणारी लखपती दीदी योज़ना (Lakhpati Didi Yojana) काय आहे ? आजच्या लेखात आपण याचीच माहिती जाणून घेणार आहोत…
15 ऑगस्ट 2023 रोजी पंतप्रधान नरेंद्र मोदी यांनी महिलांना मोठी भेट देत लखपती दीदी योजना सुरू केली. सरकारची ही योजना महिला सक्षमीकरणांतर्गत आणण्यात आली. या योजनेअंतर्गत महिलांना प्रशिक्षण दिले जाते. त्यामुळे स्वत:चा (Lakhpati Didi Yojana)रोजगार सुरू करण्यासाठी त्यांना 5 लाख रुपयांपर्यंतचे कर्जही दिले जाते.
आपल्या देशाच्या अर्थमंत्री निर्मला सीतारामन यांनी त्यांच्या भाषणात ०१ फेब्रुवारी रोजी घोषणा दिली की, ९ कोटी महिलांसोबत ८३ लाख बचत गट ग्रामीण सामाजिक व आर्थिक दृष्ट्या सक्षम होत आहेत. त्यांच्या या यशामुळेच जवळ जवळ १ कोटी महिलांना या लखपती दीदी योजनेचा (Lakhpati Didi Yojana) फायदा झालेला आहे. या योजनेचे यश बघून केंद्र सरकार कडून लखपती दीदी योजनेचे टार्गेट २ कोटी वरून ३ कोटी करण्यात आले आहे.
योजनेचा उद्देश
महिलांना रोजगाराची संधी उपलब्ध (Lakhpati Didi Yojana) करून देणे, त्यांच्या आर्थिक उत्पन्नात वाढ करणे, त्यांना स्वावलंबी बनवणे आणि त्यांचे राहणीमान सुधारणे हा या योजनेचा उद्देश आहे.
पात्रता
- अर्जदार हा भारतातील कायमचा रहिवासी असायला हवा.
- अर्जदाराची वयोमर्यादा ही १८ ते ५० वर्षांपर्यंत असावी .
- महिलांना बचत गटामध्ये सहभाग घेणे अनिवार्य आहे.
आवश्यक कागदपत्रे
- पासपोर्ट साईझ फोटो
- आधार कार्ड
- रहिवासी दाखला
- मोबाईल नंबर
- पॅन कार्ड
- ई-मेल आयडी
- बँक खाते
कसा कराल अर्ज ?
- या योजनेसाठी ऑफलाईन पद्धतीने अर्ज करायचा असल्यास, तुम्हाला तुमच्या जिल्ह्यातील महिला आणि बाल विकास विभाग कार्यालयामध्ये जायचे आहे.
- याठिकाणी आल्यानंतर तुम्हाला लखपती दीदी योजनेचा (Lakhpati Didi Yojana) अर्ज कार्यालयामधून घ्यायचा आहे.
- अर्ज घेतल्या नंतर अर्जामध्ये विचारलेली सर्व माहिती तुम्हाला येथे भरायची आहे आणि त्यासोबत लागणारी आवश्यक कागदपत्रे जोडा.
- सर्व कागदपत्र व अर्ज हे एकत्र करून त्याच कार्यालयामध्ये जमा करायचा आहे. त्यानंतर त्यांच्याकडून अर्जाची पोच पावती घ्यायची आहे.
- या पद्धतीने तुम्ही या योजनेसाठी ऑफलाईन पद्धतीने अर्ज करू शकता.