हॅलो महाराष्ट्र ऑनलाईन । लाइफ इन्शुरन्स कॉर्पोरेशन (LIC) ने निवृत्तीनंतर नियमित उत्पन्न मिळवण्यासाठी एक अत्यंत महत्त्वाची योजना सुरू केली आहे, ज्याचे नाव ‘स्मार्ट पेन्शन योजना’ आहे. या योजनेचे उद्दिष्ट निवृत्तीनंतर आर्थिक सुरक्षा प्रदान करणे आहे, ज्यामुळे व्यक्तींना त्यांच्या आयुष्यभर नियमित पेन्शन मिळू शकेल. वित्त मंत्रालयाचे सचिव, एम. नागराजू आणि LIC चे CEO आणि MD, सिद्धार्थ मोहंती यांनी योजनेस अधिकृतपणे सुरू केले. योजनेच्या माध्यमातून, गुंतवणूक करणाऱ्यांना निवृत्तीनंतर एक स्थिर आणि सुरक्षित आर्थिक आधार मिळवता येईल. या योजनेसाठी 18 ते 100 वर्षे वयोगटातील सर्व व्यक्ती पात्र आहेत, ज्यामुळे ही योजना प्रत्येक वयोमानानुसार लाभ मिळवणाऱ्यांसाठी उपयुक्त ठरते.
स्मार्ट पेन्शन योजनेचे फायदे –
अधिक परतावा – LIC च्या विद्यमान ग्राहकांना अधिक परताव्याचा लाभ मिळेल.
गुंतवणूक प्रारंभ – रु 1,00,000 ने गुंतवणूक सुरू करता येईल, आणि जास्त पैसे गुंतवले तर जास्त नफा मिळण्यास मदत मिळेल.
पेन्शन पेमेंटची सुविधा – मासिक, त्रैमासिक, सहामाही किंवा वार्षिक पेमेंट पर्याय उपलब्ध आहेत.
पूर्ण रक्कम काढण्याची सुविधा – गरज भासल्यास तुमच्यासाठी कर्ज घेण्याची सुविधा 3 महिन्यांनी उपलब्ध असणार आहे.
NPS सदस्यांसाठी विशेष फायदे – ही योजना विशेषतः NPS सदस्यांसाठी फायदेशीर आहे, आणि अपंग लोकांसाठी देखील खास तरतुदी आहेत.
परिवारासाठी पेन्शन – पॉलिसीधारकाच्या मृत्यूनंतर संबंधित व्यक्तीला निवडलेल्या पर्यायानुसार पेन्शन मिळेल.
अर्ज कसा करावा –
तुम्ही LIC च्या सेवांचा लाभ घेण्यासाठी अर्ज ऑनलाईन आणि ऑफलाइन दोन्ही पद्धतीने करू शकता. ऑफलाइन अर्ज करण्यासाठी, तुम्ही LIC एजंट, POSP-LI किंवा CPSC-SPV यांच्याकडून अर्ज प्राप्त करू शकता. यासाठी तुम्हाला संबंधित व्यक्तीच्या मदतीने अर्ज पूर्ण करावा लागेल. तसेच, ऑनलाईन अर्ज करण्यासाठी, तुम्ही LIC च्या अधिकृत वेबसाइट www.licindia.in वर जाऊन अर्ज भरू शकता. येथे तुम्हाला अर्जाची सर्व प्रक्रिया सोप्या आणि मार्गदर्शनासहित दिली जाईल.
