राज्यातील राजकीय वातावरण सध्या तापलेलं असून प्रत्येक पक्ष आपल्या पक्षासाठी उमेदवारांच्या याद्या तयार करण्यामध्ये गुंतलेला आहे. असं असताना एक महत्त्वाची अपडेट आता हाती आली असून मराठा आरक्षणासाठी लढा देणाऱ्या मनोज जरांगे पाटील यांना जीवे मारण्याची धमकी दिल्यात आल्याने एकच खळबळ उडाली आहे.
यु ट्यूब चॅनलच्या कमेंट मधून धमकी
यंदाच्या निवडणुकीत मराठा आरक्षणाचा मुद्दा हा प्रभावी ठरणार असल्याचं लक्षात घेऊन माणूस जरांगे पाटील यांच्याकडेही इच्छुक उमेदवारांची गर्दी वाढत असून रात्री उशिरापर्यंत त्यांना भेटून मतदारसंघातील राजकीय परिस्थिती आणि उमेदवारी मिळावी म्हणून इच्छुकांकडून मागणी केली जात आहे. दरम्यान एका यूट्यूब चैनल च्या कमेंट मधून ही धमकी देण्यात आल्याचं समोर आलं असून ऐन निवडणुकीत मनोज जरांगे यांच्या सुरक्षेच्या बाबतीत प्रश्नचिन्ह निर्माण झाले आहे.
‘बजाज बिश्नोई लीडर’ नावाच्या फेक अकाउंट वरून धमकी
मिळालेल्या माहितीनुसार एका youtube चॅनलच्या कमेंट मध्ये अज्ञाताकडून हे धमकी देण्यात आली असून कमेंटचा स्क्रीन शॉट सोशल मीडियावर सध्या व्हायरल झाला आहे उमेदवारीसाठी इच्छुक म्हणून येऊन गेम करणार… अशा आशयाची ही धमकी असल्याचं कमेंटमध्ये लिहिण्यात आलय. ‘बजाज बिश्नोई लीडर’ नावाच्या फेक अकाउंट वरून ही धमकी दिली जात असल्याची माहिती आहे. त्यामुळे जरांगेच्या भेटीसाठी येणाऱ्या उमेदवारांची किंवा बैठकीदरम्यान आत मध्ये जाणाऱ्या सर्वांची आता कसून तपासणी केली जाणार असल्याची माहिती आहे. मनोज जरांगे सध्या बसत असलेल्या सरपंच मळा येथील बैठकीच्या ठिकाणी पोलिसांचा बंदोबस्त वाढवण्यात आला आहे.