Modi Cabinet Meeting: २२ एप्रिल रोजी पहलगाम येथे झालेल्या दहशतवादी हल्ल्यानंतर, ज्यामध्ये २६ नागरिकांचा मृत्यू झाला होता (बहुतेक पर्यटक), आज पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाची महत्त्वपूर्ण बैठक पार पडणार आहे. आज सकाळी ११ वाजता ही बैठक बोलावण्यात आली असून त्यासोबतच सुरक्षा विषयांवर निर्णय घेणाऱ्या कॅबिनेट कमिटी ऑन सिक्युरिटी (CCS) चीही बैठक होणार आहे.
गेल्या आठवड्यात केंद्रीय मंत्रिमंडळाची बैठक झाली नव्हती, मात्र २३ एप्रिल रोजी झालेल्या CCS बैठकीत पहलगाम हल्ल्याचा निषेध करण्यात आला होता. त्यानंतर भारताने पाकिस्तानसोबतचे राजनैतिक संबंध कमी करण्यासारखे कठोर पावले उचलली होती.
पंतप्रधानांनी सैन्याला दिली “पूर्ण मुभा” (Modi Cabinet Meeting)
मंगळवारी (२९ एप्रिल) झालेल्या उच्चस्तरीय बैठकीत पंतप्रधान मोदींनी सैन्याला दहशतवादाविरुद्ध कठोर कारवाई करण्यासाठी पूर्ण मुभा दिली आहे. या बैठकीस संरक्षण मंत्री राजनाथ सिंह, राष्ट्रीय सुरक्षा सल्लागार अजित डोभाल, चीफ ऑफ डिफेन्स स्टाफ जनरल अनिल चौहान आणि तिन्ही सैन्यदलांचे प्रमुख उपस्थित होते.
बैठकीत मोदी म्हणाले की, “दहशतवादावर कठोर प्रहार करणे हे आपले राष्ट्रीय ध्येय आहे.” त्यांनी सैन्याच्या क्षमतेवर पूर्ण विश्वास व्यक्त करत, कारवाईचे स्वरूप, वेळ व उद्दिष्टे ठरवण्याचे स्वातंत्र्य सैन्याला दिले आहे.
सीमेवर उच्च सतर्कता, POK वर लक्ष (Modi Cabinet Meeting)
पहलगाम हल्ल्यानंतर भारतातील सैन्य दलांना हाय अलर्टवर ठेवण्यात आले आहे. नियंत्रण रेषा आणि आंतरराष्ट्रीय सीमांवर तैनात युनिट्सना ऑपरेशनल रेडीनेस मोडमध्ये ठेवले आहे. सध्या ड्रोन, सॅटेलाइट इमेजरी आणि इलेक्ट्रॉनिक इंटरसेप्ट्सच्या मदतीने पाकव्याप्त काश्मीरमधील दहशतवादी लॉन्चपॅड्सवर बारीक लक्ष ठेवण्यात येत आहे. आज होणाऱ्या CCS बैठकीत यावर मोठा निर्णय होण्याची शक्यता आहे. ज्याकडे संपूर्ण देशाचे लक्ष लागले आहे.
जम्मू-काश्मीरमधील पहलगाम येथे दहशतवाद्यांनी पर्यटकांच्या बसवर हल्ला केला. या भ्याड हल्ल्यात २६ जणांचा मृत्यू झाला, त्यात बहुतेक पर्यटक होते.
त्यानंतर दुसऱ्या दिवशी पंतप्रधान मोदी यांच्या अध्यक्षतेखाली सुरक्षा विषयक कॅबिनेट कमिटी (CCS)ची तातडीची बैठक झाली. हल्ल्याचा निषेध करत भारताने पाकिस्तानसोबतचे राजनयिक संबंध कमी करण्याचे निर्णय जाहीर केले.
दरम्यान नियंत्रण रेषा आणि आंतरराष्ट्रीय सीमा भागात सैन्य हाय अलर्टवर ठेवण्यात आले असून ड्रोन, सॅटेलाइट आणि इंटरसेप्ट्स वापरून POK मधील दहशतवादी लॉन्चपॅड्सवर लक्ष केंद्रित करण्यात आले आहे .
