Mumbai – Pune expressway : राज्यातील मुंबईबरोबरच पुणे हेही एक मोठे व्यावसायिक केंद्र आहे. पुण्याहून मुंबई असा दररोज अप-डाऊन प्रवास करणाऱ्यांची संख्या मोठी आहे. याशिवाय मुंबईतून पुण्यात येणाऱ्यांची संख्याही मोठी आहे. त्यामुळेच या दोन शहरांना जवळ आणण्यासाठी एक्स्प्रेस वे बांधण्यात आला. मात्र वर्षानुवर्षे वाहनांची वाढती संख्या आणि दोन शहरांमधील वाढती गरज यामुळे या नव्या पर्यायावर काम सुरू आहे. मुंबई ते पुणे अंतर कमी करणारे कनेक्टर उभारण्याचा मार्ग मोकळा झाला आहे. अटल सेतू ते मुंबई-पुणे द्रुतगती (Mumbai – Pune expressway) मार्गाला जोडणाऱ्या 6.50 किमी लांबीच्या कनेक्टरचे बांधकाम एप्रिलपासून सुरू होणार आहे.
मुंबई (Mumbai – Pune expressway) महानगर प्रदेश विकास प्राधिकरणाने (एमएमआरडीए) कार्यकारी समितीच्या बैठकीत कनेक्टर तयार करण्यासाठी कंत्राटदार नियुक्त करण्यास मान्यता दिली आहे. कनेक्टर तयार करण्याची जबाबदारी गवार कन्स्ट्रक्शन कंपनीकडे सोपविण्यात आली आहे. कनेक्टरच्या बांधकामामुळे वाहने न थांबता मुंबई ते पुणे सहज पोहोचू शकतील. कनेक्टर च्या बांधकामानंतर दोन्ही शहरांमधील वाहतूक आणखी वाढेल.
1102.75 कोटी रुपयांचा प्रोजेक्ट
राज्यातील दोन सर्वोत्तम रस्त्यांना जोडणारा प्रकल्प 30 महिन्यांत पूर्ण होईल. अंदाजे 6.50 किमी लांबीच्या कनेक्टरच्या (Mumbai – Pune expressway) बांधकामासाठी अंदाजे 1102.75 कोटी रुपये खर्च येईल. हा कनेक्टर दोन रेल्वे पुलांवरून जाईल. प्रकल्पासाठी 5.50 हेक्टर जमीन संपादित केली जाणार आहे. या प्रकल्पासाठी कंत्राटदार नेमण्याची प्रक्रिया पूर्ण झाली असल्याची माहिती एमएमआरडीएचे आयुक्त डॉ.संजय मुखर्जी यांनी दिली. बांधकामाचे काम लवकरच सुरू होईल. कनेक्टर 30 महिन्यांत तयार होईल.
सिग्नल फ्री मार्ग (Mumbai – Pune expressway)
हा मार्ग पूर्णपणे सिग्नल फ्री असणार आहे त्यामुळे इंधनाची बचत होणार आहे. त्यामुळे प्रवाशांचा वेळही वाचणार आहे. 22 किलोमीटर लांबीचा अटल सेतू सुरू झाल्यानंतर मुंबईतील शिवडी येथून अवघ्या 20 मिनिटांत (Mumbai – Pune expressway) वाहने नवी मुंबईत पोहोचत आहेत. मात्र रायगड जिल्ह्यातील चिर्ले येथील अटल सेतू येथून उतरल्यानंतर वाहनचालकांना वाहतुककोंडीचा सामना करावा लागत आहे. त्यामुळे मुंबईतून वेगवान वाहने पुलावरून खाली उतरल्यानंतर त्यांचा वेळ वाया जातो आहे. वाहनचालकांची समस्या सोडवण्यासाठी अटल सेतूला एक्स्प्रेस वेशी कनेक्टरद्वारे जोडण्यात येणार आहे.
अवघ्या तीस मिनिटांचा प्रवास
सेतूच्या चिर्ले इंटरचेंज आणि मुंबई-पुणे एक्स्प्रेस वे (Mumbai – Pune expressway) दरम्यान कनेक्टर असेल. एलिव्हेटेड कॉरिडॉरच्या बांधकामामुळे मुंबईतील शिवडी येथून वाहने न थांबता थेट मुंबई पुणे द्रुतगती मार्गावर पोहोचू शकतील. सध्या मुंबईहून मुंबई-पुणे द्रुतगती मार्गावर जाण्यासाठी वाहनांना एक तास लागतो. प्रस्तावित एलिव्हेटेड कॉरिडॉरच्या बांधकामामुळे हा प्रवास अवघ्या 30 मिनिटांत पूर्ण करणे शक्य होणार आहे.