हॅलो महाराष्ट्र ऑनलाईन । आज प्रत्येकजण सुरक्षित भविष्यसाठी वेगवेगळ्या ठिकाणी गुंतवणूक करत असतात. पण सार्वजनिक भविष्य निर्वाह निधी (PPF) खातं ही एक अत्यंत फायदेशीर सरकारी योजना आहे. यामुळे तुम्हाला भविष्यात चांगला नफा मिळण्यास मदत होते. या योजनेमुळे म्हातारपणासाठी आर्थिक सुरक्षा मिळते. PPF योजनेमध्ये जास्त गुंतवणुकीचीही गरज नाही. योजनेतील गुंतवणुकीमुळे निवृत्तीनंतर 60,989 रुपये प्रत्येक महिन्याला मिळतील. तर चला या योजनेबद्दल अधिक माहिती जाणून घेऊयात.
PPF खातं उघडण्याची प्रक्रिया –
PPF खातं उघडण्याची प्रक्रिया खूप सोपी आहे. खाते ओपन करण्यासाठी तुम्ही कोणताही भारतीय नागरिक पोस्ट ऑफिस किंवा बँकेच्या शाखेत जाऊन PPF खातं उघडू शकता. प्रत्येक आर्थिक वर्षात (1 एप्रिल ते 31 मार्च) कमीत कमी रु 500 आणि जास्तीत जास्त रु 1,50,000 जमा करावं लागते.
PPF खाते आणि कर –
PPF खातं आयकर कायद्यानुसार EEE (Exempt-Exempt-Exempt) कॅटेगरीत येते.
तुमच्या PPF खात्यात जमा करणाऱ्या रकमेवर कर सवलत मिळते.
PPF खात्यात जमा रकमेवर मिळणारे व्याज टॅक्स फ्री असतात.
मॅच्युरिटी वेळी प्राप्त झालेल्या रकमेवरही कोणताही कर लागणार नाही.
PPF खात्यात 7.1% व्याज दर –
तुम्ही 35 वर्षांचे असल्यास आणि या आर्थिक वर्षाच्या सुरुवातीला PPF खातं उघडल्यास आणि रु 1,50,000 जमा केल्यास, तुमच्या खात्यात पुढील काही वर्षांत मोठी रक्कम जमा होईल. उदाहरणार्थ, PPF खात्यात 7.1% व्याज दरावर व्याज मिळते. त्यामुळे, तुमचे पैसे वयाच्या 60 व्या वर्षी मोठ्या प्रमाणावर वाढू शकतात.
पहिल्या वर्षी – रु 1,50,000 जमा केल्यावर रु 10,650 व्याज मिळेल. पुढील वर्षाच्या सुरुवातीला तुमचं PPF खातं रु 1,60,650 होईल.
दुसऱ्या वर्षी – पुढील वर्षी 31 मार्चपर्यंत रु 22,056 व्याज मिळेल, त्यामुळे तुमचं खातं रु 3,32,706 होईल.
याप्रमाणे तुमचे PPF खाते नियमितपणे वाढत जाईल. पाचव्या वर्षाच्या शेवटी, तुमच्याकडे एका मोठ्या रकमेचा संचय होईल ज्यावर तुम्हाला मासिक पेन्शन मिळू शकते.
PPF खात्याचे फायदे –
टॅक्सफ्री व्याज आणि मॅच्युरिटी रक्कम आहे.
सुरक्षित आणि सरकारच्या समर्थनासह एक स्थिर गुंतवणूक योजना आहे.
निवृत्तीनंतर दीर्घकालीन आर्थिक स्थिरता मिळते .
वयाच्या 35 व्या वर्षी PPF खातं उघडून तुम्ही दीर्घकालीन आर्थिक सुरक्षितता आणि स्थिरता प्राप्त करू शकता. नियमित आणि योग्य गुंतवणूक पद्धतीने तुम्ही निवृत्तीनंतर चांगला पेन्शन मिळवू शकता.
