महाराष्ट्राच्या जनतेचा कौल महायुतीला ; महाविकास आघाडी पिछाडीवर, भाजपच मोठा पक्ष

Maharashtra Vidhansabha Election Result 2024 : आज महाराष्ट्रामध्ये विधानसभा निवडणुकीचा निकालाचे चित्र आता जवळपास समोर आले आहे कारण महायुती या निकालामध्ये विजयी होताना दिसत आहे. 11:36 पर्यंत महायुतीला 216 जागांवर विजय मिळवता आला आहे. तर महायुतीची रणनीती यंदाच्या विधानसभा निवडणुकांमध्ये सक्सेसफुल झालेली दिसून येत आहे. महाराष्ट्राच्या जनतेने महायुती ला कौल दिलेला दिसतोय…

भाजप आघाडीवर

आतापर्यंत आलेल्या निकालामध्ये भाजपला सर्वाधिक जागांवर विजयाचा गुलाल लागलेला दिसतोय भाजपाला 126 जागांवर आतापर्यंत विजय मिळालेला आहे. तर शिवसेना 54 जागांवर आणि राष्ट्रवादी 35 जागांवर पुढे आहे. तर दुसरीकडे महाविकास आघाडीमध्ये काँग्रेस 19 जागांवर शिवसेना ठाकरे गट 20 जागांवर तर पवारांच्या राष्ट्रवादी गटाला सर्वाधिक कमी म्हणजेच 14 जागांवर समाधान मानावं लागला आहे.

लाडक्या बहिणींचा महायुतीला कौल

महायुती सरकारची अत्यंत महत्त्वकांक्षी असलेली योजना ‘मुख्यमंत्री लाडकी बहिणी योजना’ ही या विधानसभा निवडणुकांमध्ये गेम चेंजर ठरलेली दिसून येत आहेत आणि लाडक्या बहिणींनी महायुती सरकारला विजयी केल्याचे दिसून येत आहे. कारण महायुती सरकारला सर्वाधिक 216 जागांवर आतापर्यंत विजय मिळवता आला. असून पुन्हा एकदा राज्यामध्ये महायुती सरकारच येणार असं एकूण निकालावरून दिसत आहे. याशिवाय भाजपाला सर्वाधिक मतं देऊन राज्यातील भाजप हा सर्वाधिक मोठा पक्ष ठरताना दिसतो आहे.