Pod Taxi Mumbai : राज्यभरात मोठमोठे विकास प्रकल्प हाती घेतले जात आहेत. राज्याची आर्थिक राजधानी मुंबईत सुद्धा मोठे प्रकल्प हाती घेतले आहेत. मुंबईच्या वाहतूक सेवेत आता पॉड टॅक्सी चा (Pod Taxi Mumbai) समावेश होणार आहे. मुंबईत घेण्यात आलेल्या एका बैठकीच्या दरम्यान मुख्यमंत्री एकनाथ शिंदे यांनी पॉड टॅक्सी प्रकल्पाला मान्यता दिली.
कुर्ला ते वांद्रे दरम्यानची वाहतूक समस्या सोडवण्यासाठी सरकारने नवा आराखडा तयार केला आहे. या मार्गावरील मैदानावर अत्यंत मर्यादित जागा असल्याने प्रवाशांना त्यांच्या इच्छित स्थळी जलद पोहोचण्यासाठी पॉड टॅक्सी (Pod Taxi Mumbai) चालवण्याचा निर्णय घेण्यात आला आहे. पॉड टॅक्सीसाठी कुर्ला रेल्वे स्थानक ते वांद्रे रेल्वे स्थानकादरम्यान जमिनीपासून 25 ते 30 मीटर अंतरावर एक विशेष मार्ग तयार केला जाईल. मुंबई मेट्रोपॉलिटन रिजन डेव्हलपमेंट अथॉरिटी (MMRDA) नुसार, 8.80 किमी लांबीच्या पॉड टॅक्सी मार्गावर एकूण 38 स्थानके असतील. जमिनीवरून धावणाऱ्या टॅक्सीत एकाच वेळी सहा प्रवासी प्रवास करू शकतील. ही टॅक्सी ताशी 40 किमी वेगाने धावण्यास सक्षम आहे. मंगळवारी मुख्यमंत्री एकनाथ शिंदे यांच्या अध्यक्षतेखाली झालेल्या बैठकीत पॉड टॅक्सी (Pod Taxi Mumbai) प्रकल्पाला मंजुरी देण्यात आली आहे. हा प्रकल्प सार्वजनिक खाजगी भागीदारी (PPP) मॉडेल अंतर्गत बांधला जाणार आहे.
कमाल 40 किमी प्रति तास एवढा असेल वेग
वांद्रे ते कुर्ला स्थानकादरम्यान वांद्रे – कुर्ला संकुलामधून ‘पॉड टॅक्सी’ (Pod Taxi Mumbai) धावणार असून त्याची लांबी 8.80 कीमी एवढी आहे. त्यामध्ये ३८ स्थानके असणार आहेत. प्रति पॉड सहा प्रवासी एवढी त्याची क्षमता आहे. कमाल 40 किमी प्रति तास एवढा त्याचा वेग असणार आहे, हा प्रकल्प सार्वजनिक खासगी भागिदारी तत्वावर सुरू करण्यास मुख्यमंत्री यांनी मान्यता दिली. या प्रकल्पामुळे वांद्रे स्थानक ते बीकेसी हा प्रवास अधिक सुलभ होण्यास मदत होणार आहे.
या मार्गावरून धावणार ‘पॉड टॅक्सी’ (Pod Taxi Mumbai)
पॉड टॅक्सी (Pod Taxi Mumbai) कुर्ला रेल्वे स्थानकावरून मिठी नदी ओलांडून, बीकेसीच्या जी ब्लॉकमधून, ई-ब्लॉकच्या महत्त्वाच्या संस्थांजवळून, कलानगरला पोहोचेल आणि नंतर पश्चिम रेल्वेच्या वांद्रे रेल्वे स्थानकात पोहोचेल. बीकेसी हे मुंबईचे आर्थिक केंद्र आहे. अनेक मोठ्या कंपन्या आणि बँका, देशी-विदेशी, त्यांची मुख्यालये बीकेसीमध्ये आहेत. बीकेसीमध्ये दररोज हजारो लोक कामानिमित्त येतात. या प्रकल्पातून जाणाऱ्या अधिकाधिक लोकांना याचा लाभ घेता यावा म्हणून, टॅक्सी स्टेशन बीकेसी कनेक्टर, एमसीए ग्राउंड, यूएस कॉन्सुलेट आणि एनएसई जंक्शनजवळ असतील.
पॉड टॅक्सी (Pod Taxi Mumbai) ही इलेक्ट्रिक वाहन असून ते चालकविरहित वाहतुकीचे साधन आहेत. या छोट्या ऑटोमेटेड कार आहेत ज्यामध्ये एकावेळी ६ प्रवासी प्रवास करू शकतील. पॉड टॅक्सी म्हणजे सध्या सोप्या भाषेत शेअर ऑटो म्हणू शकतो.