Pune Airport : अगदी काही दिवसांपूर्वीच पुण्यातील आंतरराष्ट्रीय विमानतळाच्या नवीन टर्मिनल्सचं उद्घाटन झालं असून या टर्मिनल ची सेवा आता सुरू झाली आहे. नवीन टर्मिनल सुरू होण्यासाठी केंद्रीय मंत्री मोहोळ यांनी पाठपुरावा केला होता. याबरोबरच आता पुणे आंतरराष्ट्रीय विमानतळाला जगतगुरु संत श्रेष्ठ तुकाराम महाराजांचे नाव देण्यासाठी राज्य शासनाने तसा प्रस्ताव तयार करून केंद्राकडे (Pune Airport)पाठवावा अशी भूमिका पुण्याचे खासदार आणि केंद्रीय सहकार आणि नागरी हवाई वाहतूक राज्यमंत्री मुरलीधर मोहोळ यांनी घेतली आहे.
म्हणून ‘या’ नावाला पसंती (Pune Airport)
याबाबत माहिती देताना मोहोळ यांनी सांगितलं की, यासंदर्भातील हालचालींना वेग आला असून नावासंदर्भातील प्रस्ताव केंद्र सरकारकडे पाठवावा यासाठी मोहोळ यांनी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांची भेट घेऊन सविस्तर चर्चा केली. पुण्याचे विमानतळ असलेले लोहगाव हे जगद्गुरु संत श्रेष्ठ तुकोबारायांचं आजोळ होते. त्यामुळे लोहगाव आणि तुकोबारायांचं नातं हे जिव्हाळ्याचं होतं. याशिवाय लोहगावच्या गावकऱ्यांची ही अशीच इच्छा असून महाराष्ट्रातील तमाम वारकरी संप्रदायाचीही संवेदना याविषयी जोडलेली आहे त्यामुळे लोहगावच्या विमानतळाला संत तुकोबारायांचं नाव देणं हे अधिक समर्पक असणार आहे अशी माहिती मोहोळ यांनी (Pune Airport) दिली आहे.
नावावर लवकरच शिक्कामोर्तब (Pune Airport)
मिळालेल्या माहितीनुसार पुणे आंतरराष्ट्रीय विमानतळाला जगद्गुरु संतश्रेष्ठ तुकाराम महाराजांचे नाव देण्यासाठी राज्य शासनाने प्रस्ताव तयार केल्याची माहिती आहे. मग विमानतळाचे नामकरण करताना त्यांच्या नावाचा प्रस्ताव हा राज्य सरकारकडून केंद्र सरकारकडे येत असतो त्यानंतर या नावावर लवकरच शिक्का मोर्तब होईल असंही मंत्री मोहोळ यांनी स्पष्ट केलं (Pune Airport) आहे.