Pune Metro : आगामी लोकसभा (LS) निवडणुकीसाठी निवडणूक आचारसंहिता लागू होण्याची शक्यता असल्याने मेट्रो पुढील आठवड्यात बहुप्रतिक्षित रुबी हॉल ते रामवाडी या लाइन 2 चे उद्घाटन करण्याच्या तयारीत आहे. मेट्रोच्या एका आधिकाऱ्याने एका वृत्तपत्राला दिलेल्या माहितीनुसार बहुप्रतिक्षित रुबी हॉल ते रामवाडी या लाईन 2 चे उदघाटन दिनांक 6 मार्च रोजी होणार आहे. हे उदघाटन (Pune Metro) पंतप्रधान नरेंद्र मोदी यांच्या हस्ते दूरदृश्य प्रणालीद्वारे होणार असल्याची देखील माहिती आहे.
मिळालेल्या माहितीनुसार, रुबी हॉल ते रामवाडी या पट्ट्याचे (Pune Metro) बांधकाम पूर्ण झाले असून मेट्रो रेल्वे सुरक्षा आयुक्तांनी आठवड्याभरापूर्वीच प्रवासी सेवा सुरू करण्यास सशर्त परवानगी दिली आहे. त्यानंतर 19 फेब्रुवारी रोजी पंतप्रधान नरेंद्र मोदी यांच्या हस्ते 5.5 किमी रुबी हॉल ते रामवाडी या मार्गाचे उद्घाटन करण्याचा विचार पुणे मेट्रोचा होता.मात्र पंतप्रधानांचा दौरा पुढे ढकलण्यात आला होता, त्यानंतर पुणे मेट्रोने राज्य सरकारला पत्र पाठवून लोकांसाठी औपचारिक समर्पण समारंभासह रुबी हॉल ते रामवाडी स्ट्रेच सॉफ्ट ओपनिंगसाठी परवानगी मागितली. मात्र, काहीही झाले नाही. पुणे मेट्रोला 25 फेब्रुवारी रोजी पंतप्रधानांच्या हस्ते ऑनलाइन (रिमोट) उद्घाटन अपेक्षित असताना, तेही झाले नाही. पुणे मेट्रोने आता पुढील आठवड्यात म्हणजे 6मार्च रोजी या मार्गाचे उद्घाटन करण्याची व्यवस्था केली आहे.
पुणे मेट्रोची (Pune Metro) जबाबदारी महाराष्ट्र मेट्रो रेल कॉर्पोरेशन लिमिटेड (महा-मेट्रो) यांच्याकडे आहे. महा-मेट्रोचे संचालक (वर्क) अतुल गाडगीळ एका माध्यमाशी बोलताना म्हणाले की, “पुढील आठवड्यात रुबी हॉल ते रामवाडी या रस्त्याच्या उद्घाटनासाठी आम्ही सर्व तयारी केली आहे. पंतप्रधान नरेंद्र मोदी व्हिडिओ कॉन्फरन्सद्वारे उदघाटन करतील.
विस्तारित मेट्रो सेवा, सुरुवातीला गेल्या वर्षी 1 ऑगस्ट रोजी सुरू करण्यात आली, वनाझ ते रुबी हॉल (Pune Metro) हा 9.7 किमीचा मार्ग आहे. मात्र रुबी हॉल ते रामवाडी या विस्तारित मार्गावरील सेवा अद्याप सुरू झालेली नाही. या 5.5 किमीच्या पट्ट्यात बंड गार्डन, येरवडा, कल्याणीनगर आणि रामवाडी अशी चार स्थानके आहेत. या मार्गावरील पहिली चाचणी ऑक्टोबर 2023 मध्ये आयोजित करण्यात आली होती. रुबी हॉल क्लिनिक ते रामवाडी हा मार्ग सुरू झाल्यावर, पुणे मेट्रो 15.7 किमी वनाझ ते रामवाडी मार्ग पूर्ण करेल.