हॅलो महाराष्ट्र ऑनलाईन। (Viral Video) यंदाचा उन्हाळा इतका कडक होता की, प्रत्येकाच्या जीवाचे हाल झाले. घामाच्या धारा आणि सतत लागणाऱ्या उष्ण वाफांमुळे सगळेच वैतागले होते. फक्त माणूस नाही तर इतर सजीवही उकाड्याने अक्षरशः हैराण झाले होते. दरम्यान, नुकत्याच देशभरात ठिकठिकाणी पावसाच्या सरी कोसळल्या. ज्यामुळे सर्वत्र आल्हाददायी वातावरण निर्माण झालं आहे. चातकासारखी वाट पाहणारा प्रत्येक सजीव आता सुखावला आहे. यातच सोशल मीडियावर एक व्हिडीओ व्हायरल होतो आहे. ज्यामध्ये एक उंदीर पाऊस आल्याच्या आनंदात चक्क नाचताना दिसतोय.
पाऊस आला.. म्हणून नाचू लागला उंदीर मामा (Viral Video)
पाऊस आला की, आनंदाला उधाण येतं. मनाला सुखावणाऱ्या या सरी बरसू लागताच आपोआप मन प्रसन्न होतं. आतापर्यंत तुम्ही पाऊस आला म्हणून आनंदाने नाचणारा मोर पाहिला असेल. पण कधी पाऊस आल्याच्या आनंदात नाचणारा उंदीर पाहिलाय का? नसेल पाहिला तर आता सोशल मीडियावर व्हायरल होणारा व्हिडीओ पहा. (Viral Video) यामध्ये पाऊस सुरू होताच चक्क उड्या मारत नाचणारा उंदीर दिसतो आहे. या उंदराचा हा व्हिडीओ सोशल मीडियावर तुफान व्हायरल झाला असून बरेच लोक यावर मजेशीर प्रतिक्रिया देत आहेत.
सोशल मीडियावर व्हायरल होणाऱ्या या व्हिडिओमध्ये एक छोटासा उंदीर रस्त्याच्या मधोमध उद्या मारत मारत नाचताना दिसतोय. गरमीने सगळेच हैराण झाले होते. अशावेळी पावसाने लावलेली हजेरी खरोखर आनंदोत्सव साजरा करावा अशीच ठरली आहे. त्यामुळे पहिल्या सरीचा आनंद हा फक्त माणसाला नव्हे तर प्राण्यांना सुद्धा झाला आहे. ज्याचा प्रत्यय हा (Viral Video) व्हिडीओ पाहून येतोय. आतापर्यंत पावसात नाचणारी आणि चिंब भिजणारी लहान मुले आपण पाहिली आहेत. पण, पहिल्यांदाच पावसात लहान मुलांसारखा उंदीर मामा नाचताना पहायला मिळतोय.
नेटकऱ्यांच्या प्रतिक्रिया
सोशल मीडियावर या उंदराचा व्हिडीओ चांगलाच व्हायरल होतो आहे. छोट्याशा उंदाराचा हा मजेशीर व्हिडीओ सोशल मीडियावर AMAZlNGNATURE नावाच्या एक्स अकाउंटवर शेअर करण्यात आला आहे. या मजेशीर व्हिडीओवर अनेक युजर्सच्या भन्नाट भन्नाट प्रतिक्रिया पहायला मिळत आहेत. (Viral Video) एका युजरने या व्हिडिओवर कमेंट करताना लिहिले आहे की, ‘हा व्हिडीओ पाहून वाटतंय की उंदराला सुद्धा पावसात नाचायला आवडतं’. तर आणखी एका नेटकऱ्याने लिहिले आहे की, ‘व्वा, क्या बात है!! याआधी मी मोर नाचताना पाहिला होता. पण उंदीर नाचताना मी पहिल्यांदाच पाहतोय’.