Vistadome Coach : भारतीय रेल्वे प्रवाशांसाठी दररोज 10 हजाराहून अधिक प्रवासी ट्रेन चालवते. या गाड्यांमधून दररोज २ कोटींहून अधिक प्रवासी प्रवास करतात. तथापि, अशा काही गाड्या आहेत ज्यांचा वापर प्रवासी एका ठिकाणाहून दुसऱ्या ठिकाणी जाण्यासाठी करतात, परंतु त्यांचा प्रवास देखील लोकांसाठी खूप आनंददायी असतो.मध्य रेल्वे आपल्या प्रवाशांसाठी विस्टाडोम कोच (Vistadome Coach) असलेल्या अशा गाड्या चालवते. मुंबई-गोवा मार्गावरील दऱ्या, नद्या आणि धबधब्यांचे चित्तथरारक दृश्य असो किंवा मुंबई-पुणे मार्गावरील पश्चिम घाटाचे विलोभनीय दृश्य असो, रुंद खिडक्या आणि चकचकीत टॉप असलेले हे डबे लोकांना आवडतात.
मध्य रेल्वेने दिलेल्या माहितीनुसार, एप्रिल 2023 ते जानेवारी 2024 या कालावधीत मध्य रेल्वेच्या व्हिस्टाडोम कोचमध्ये 1,47,429 लोकांनी प्रवास केला, ज्यामुळे रेल्वेला 21.95 कोटी रुपयांचा महसूल मिळाला आहे.
मुंबई-मडगाव जनशताब्दी एक्स्प्रेसमध्ये 2018 मध्ये CR वर प्रथम विस्टाडोम कोच सादर करण्यात आले होते. प्रवाशांच्या प्रचंड मागणीमुळे, मुंबई-मडगाव मार्गावरील दुसरा विस्टाडोम कोच (Vistadome Coach)2022 पासून तेजस एक्सप्रेसला जोडण्यात आला. या डब्यांच्या प्रचंड लोकप्रियतेमुळे मुंबई-पुणे डेक्कन एक्स्प्रेसमध्ये 2021 पासून हे डबे सुरू करण्यात आले आणि प्रवाशांची मागणी लक्षात घेऊन 2021 पासून मुंबई-पुणे मार्गावरील डेक्कन क्वीनमध्ये आणखी दोन विस्टाडोम डबे जोडण्यात आले. 2021 आणि 2022 पासून प्रगती एक्सप्रेसमध्ये आणि2022 पासून पुणे-सिकंदराबाद शताब्दी एक्सप्रेसमध्ये एक विस्टाडोम कोच बसवण्यात आला.
विस्टाडोम कोच का आहे खास ? (Vistadome Coach)
काचेच्या छताशिवाय, व्हिस्टाडोम कोचमध्ये (Vistadome Coach) रुंद खिडक्या, एलईडी दिवे, फिरत्या सीट आणि पुशबॅक खुर्च्या, इलेक्ट्रिकली चालवल्या जाणाऱ्या स्वयंचलित स्लाइडिंग कंपार्टमेंटचे दरवाजे, शारीरिकदृष्ट्या विकलांगांसाठी रुंद बाजूचे सरकते दरवाजे, सिरॅमिक टाइलच्या फारशा असलेली शौचालये इत्यादी अनेक वैशिष्ट्ये आहेत. व्ह्यूइंग गॅलरी अशी खास वैशिष्ट्ये आहेत.
काय सांगते आकडेवारी ? (Vistadome Coach)
मुंबई-पुणे-मुंबई डेक्कन एक्स्प्रेस 99.50% म्हणजेच 26,269 प्रवासी
मुंबई-पुणे-मुंबई प्रगती एक्स्प्रेस 99.26% प्रवासी आहे.
सीएसएमटी-मडगाव-सीएसएमटी जनशताब्दी एक्स्प्रेस 97.13% म्हणजेच 25.644 प्रवासी,
मुंबई-पुणे-मुंबई डेक्कन क्वीन 94.8% प्रवासी,
पुणे-सिकंदराबाद-पुणे शताब्दी एक्सप्रेस 76.78% म्हणजेच 20,272प्रवासी
मुंबई-करमाळी-मुंबई तेजस एक्सप्रेस 18 कोटींच्या कमाईसह आघाडीवर आहे,
सीएसएमटी-मडगाव-सीएसएमटी जनशताब्दी एक्सप्रेस 5.14 कोटींची कमाई
पुणे-सिकंदराबाद-पुणे शताब्दी एक्स्प्रेस 4.16 कोटी कमाई
मुंबई-पुणे-मुंबई डेक्कन क्वीन 2.29 कोटी,
मुंबई-पुणे-मुंबई एक्स्प्रेसचे 2.9 कोटी कमाई.
मुंबई-पुणे-मुंबई डेक्कन एक्स्प्रेस 2.20 कोटी कमाई