हॅलो महाराष्ट्र ऑनलाईन। (Viral Video) नुकताच १४ फेब्रुवारी रोजी दरवर्षीप्रमाणे यंदाही ‘व्हॅलेंटाईन डे’ साजरा केला गेला. अनेक प्रेमी युगलांनी आपल्या पार्टनरसोबत हा दिवस अत्यंत प्रेमाने साजरा केला. काहींनी मनातील भावना व्यक्त करून नव्या आयुष्याची सुरुवात केली. तर काहींच्या नात्याला नवी पालवी फुटली. असा हा प्रेमाचा दिवस जगभरात मोठ्या उत्साहात साजरा करण्यात आला. या दिवसाचे अनेक फोटो, व्हिडीओ सोशल मीडियावर व्हायरल झाले आहेत. दरम्यान, एका वृद्ध जोडप्याचा देखील एक व्हिडीओ व्हायरल होत आहे. जो पाहून कदाचित तुम्ही पुन्हा प्रेमात पडाल.
हा व्हिडीओ पुण्यातील एका वृद्ध जोडप्याचा आहे. ज्यामध्ये हे वृद्ध जोडपे निवांत बसलेले दिसत आहे. त्यांच्या नात्यातील ओढ आणि एकमेकांप्रती असलेलं प्रेम पाहून साहजिक आहे तुम्हीही पुन्हा एकदा प्रेमात पडाल. (Viral Video) एकीकडे दिवसेंदिवस प्रेमाची व्याख्या बदलत असताना दुसरीकडे या आजी- आजोबांचा व्हिडीओ पाहून जगात अजूनही निर्मळ प्रेम शिल्लक आहे, याची जाणीव होते. आता गुडघ्यावर बसून प्रपोज करणे, महागडे गिफ्ट्स देणे आणि प्रेम व्यक्त करणे असा काहीसा ट्रेंड आहे.
मात्र याबाबतीत पूर्वीच्या लोकांबद्दल बोलायचं झालं तर, त्यांची प्रेम व्यक्त करण्याची पद्धत काही वेगळीचं होती. अबोल तरीही बोलकी त्यांची प्रेम व्यक्त करण्याची पद्धत आज पहायला मिळत नाही. एक गजरा किंवा फुलाच्या माध्यमातून ते कोणत्याही शब्दांशिवाय नात्याला सुरुवात करायचे. (Viral Video) अशीच मधाळ प्रेमाची गोष्ट या व्हायरल व्हिडीओतील जोडप्याची असेल असे पाहून वाटते. हा व्हायरल व्हिडीओ पुण्यातील मनपा नजीकच्या छत्रपती शिवाजी महाराज पूलावरील आहे.