WhatsApp वापरणाऱ्यांसाठी एक महत्त्वाची खबरदारीची सूचना! 1 जून 2025 पासून म्हणजेच कालपासून अनेक जुन्या स्मार्टफोन्समध्ये WhatsApp काम करणे बंद केले आहे. Meta कंपनीने अधिकृतपणे जाहीर केल्याप्रमाणे, जुन्या ऑपरेटिंग सिस्टीमवर चालणाऱ्या Android आणि iPhone डिव्हाईसना WhatsApp चा सपोर्ट बंद केला जाणार आहे. यामागील कारण म्हणजे सुरक्षेच्या दृष्टीने आणि नवीन तंत्रज्ञानाच्या वापरासाठी WhatsApp सातत्याने अपडेट होत असतो. त्यामुळे जुन्या OS वर ही अॅप सुरक्षित न राहिल्याने हे पाऊल उचलण्यात आले आहे.
या iPhones मध्ये WhatsApp होणार बंद
- iPhone 5s
- iPhone 6
- iPhone 6 Plus
- iPhone 6s
- iPhone 6s Plus
- iPhone SE (1st Gen)
या सर्व iPhones मध्ये जर iOS 15 किंवा त्यापेक्षा जुना व्हर्जन वापरात असेल, तर WhatsApp 1 जूनपासून काम करणार नाही.
हे Android फोन्स देखील होणार WhatsApp मुक्त:
- Samsung Galaxy S4
- Samsung Galaxy Note 3
- Sony Xperia Z1
- LG G2
- Huawei Ascend P6
- Moto G (1st Gen)
- Motorola Razr HD
- Moto E (2014)
हे सर्व फोन्स Android 5.0 किंवा त्याहून जुन्या OS वर आधारित आहेत, आणि त्यामुळे त्यावर WhatsApp बंद होईल.
वाचण्यासाठी काय करावे?
- फोन OS तपासा – तुमचं डिव्हाईस कोणत्या OS वर चालतं हे पाहा.
- डेटा बॅकअप घ्या – फोन बदलण्याआधी WhatsApp चा बॅकअप घ्या.
- नवीन फोन खरेदी करा किंवा OS अपडेट करा – जर OS अपडेट करता येत असेल तर तात्काळ करा, अन्यथा नवीन डिव्हाईस विचारात घ्या.
Meta चा निर्णय का?
- डेटा सुरक्षेसाठी
- नवीन फीचर्सच्या अंमलबजावणीसाठी
- अॅपच्या स्थिरतेसाठी
- प्रायव्हसी आणि एन्क्रिप्शनचे उच्च मापदंड पाळण्यासाठी
आज WhatsApp हे जगातील सर्वाधिक वापरले जाणारे मेसेजिंग अॅप असून, सुमारे 3.5 अब्ज युजर्स त्याचा वापर करत आहेत. अशावेळी जुना फोन वापरणाऱ्यांना WhatsApp बंद होणे ही मोठी अडचण ठरू शकते. त्यामुळे वापरकर्त्यांनी लवकरात लवकर आपला फोन तपासून आवश्यक ती तयारी करून घ्यावी.
