दिल्ली : राष्ट्रीय स्वयंसेवक संघाची उमदी रणनीती, त्यागी स्वयंसेवक आणि कडक शिस्त याचा वापर भाजपला विजय मिळवण्यात होतो आहे. या उलट कॉग्रेसचे संघटन क्षीण झाल्याने पराभवास सामोरे जावे लागत आहे. कॉग्रेसचे सेवा दल पुन्हा सक्रिय करून संघाच्या रणनीतीला मात देण्याची तयारी कॉग्रेस पक्षाच्या तंबूत चालली असल्याचे सुत्रांकडून समजत आहे.
जेव्हा राष्ट्र सेवा दल देशात सक्रिय होते तेव्हा आर.एस.एस. ला वाढ नव्हती परंतु जेव्हा राष्ट्र सेवा दल कंकुवत होत गेले तेव्हा आर.एस.एस. वाढत गेली. हेच सुक्ष्म सत्य हेरून कॉग्रेसने सेवा दल मजबूत करण्याची तयारी सुरू केली आहे. संसदेच्या पावसाळी अधिवेशना नंतर राहुल गांधी त्यांच्या आमेठी आणि सोनिया गांधी यांच्या रायबरेली मतदारसंघापासून कॉग्रेस सेवा दल मजबूत करण्याचा शुभारंभ करणार असून आगामी लोकसभा निवडणुकीच्या पार्श्वभूमीवर ही तयारी असल्याचे बोलले जात आहे. १९२३ साली कॉग्रेस पक्षाने हिंदुस्तान सेवा दल नावाने कार्यकर्ता प्रशिक्षणासाठी शाखा उघडली. आक्रमक आणि निष्ठावान कार्यकर्त्यासाठी हिंदुस्तान सेवा दल प्रसिद्ध होते.या दलावर इंग्रजांनी१९३२ते१९३७या कालखंडात बंदी घातली होती.