रांची : नक्षली हिंसेमुळे नेहमी चर्चेत असणारे झारखंड पुन्हा एकदा नक्षल्यांच्या रडावर आले आहे. झारखंड मधील गढवा जिल्ह्यातील छिंजो भागात नक्षली हल्ला झाला आहे. नक्षलवाद्यांनी केलेल्या भुस्फोटामधे सशस्त्र दलाचे ६ जवान जागीच ठार आहेत तर ૪ जवान जखमी झाले आहेत. नक्षलवाद्यांनी यावेळी बेछुट गोळीबार केल्याचेही बोलले जात आहे. जखमी जवानांना तातडीने रुग्नालयात दाखल करण्यात आले असून त्यांच्यावर उपचार सुरु असल्याचे पलमु रेंजचे पोलीस उपमहानिरिक्षक विपुल शुक्ला यांनी सांगितले आहे. सदरील घटनेनंतर सुरक्षाव्यवस्थेत वाढ करण्यात आली असुन सुरक्षा दलाचे जवान जंगलात शोधमोहीम राबवत असल्याचेही शुक्ला यांनी यावेळी सांगितले आहे.
झारखंडमधे नक्षली हल्ला, ६ जवान शहीद
