नवी दिल्ली । रिझर्व्ह बँक ऑफ इंडिया (Reserve Bank of India) ने महाराष्ट्रातील आणखी एका सहकारी बँकेला मोठा धक्का दिला आहे. RBI ने कराड जनता सहकारी बँकेचा (Karad Janata Sahakari Bank) परवाना रद्द केला आहे. भांडवलाचा अभाव आणि कमी उत्पन्न यामुळे हे पाऊल उचलण्यात आल्याचे RBI ने म्हटले आहे. यापुढे ही बँक बँकिंग व्यवसाय करण्यास सक्षम होणार नाही. या बँकेत जर तुमचेही पैसे असतील तर तुमच्या पैशांचे काय होईल तुम्हाला सर्व पैसे परत मिळतील की नाहीते जाणून घेउयात… …
ग्राहकांच्या पैशांचे काय होईल …?
बँकेच्या ग्राहकांना दिलासा देताना RBI ने सांगितले आहे की, ठेवीदाराचे पैसे परत देण्यासाठी एक सामान्य प्रक्रिया अवलंबली जाईल, ज्या अंतर्गत सर्व ग्राहकांचे पैसे परत केले जातील. ठेवीदारास विहित अटी व शर्तींनुसार 5 लाख रुपयांपर्यंत पैसे दिले जातील.
हे पैसे विमा आणि क्रेडिट गॅरेंटी कॉर्पोरेशनद्वारे केले जाईल. या प्रक्रियेअंतर्गत बँकेच्या 99 टक्के डिपॉझिटर्स त्यांचे संपूर्ण डिपॉझिट्स परत मिळतील.
रिझर्व्ह बँकेने म्हटले आहे की, ग्राहकांना त्यांच्या पैशांची चिंता करण्याची गरज नाही. सर्व ग्राहकांना संयम राखला पाहिजे. ठेवीदारांना पूर्ण मोबदला दिला जाईल असे बँकेने म्हटले आहे. आरबीआयच्या म्हणण्यानुसार 99 टक्क्यांहून अधिक ठेवीदारांना त्यांचे संपूर्ण पैसे जमा विमा आणि क्रेडिट गॅरेंटी कॉर्पोरेशन (DICGC) कडून मिळतील.
जाणून घ्या DICGC चा नियम काय आहे?
DICGC च्या नियमांनुसार कोणतीही बँक बुडल्यास सरकार बँकेच्या ग्राहकांना 5 लाख रुपयांपर्यंतची रक्कम देईल. तथापि, परवाना रद्द केल्याने आणि तरलता प्रक्रिया सुरू केल्याने कराड जनता सहकारी बँकेच्या ठेवीदारांना पैसे देण्याची प्रक्रिया सुरू केली जाईल.
मंगळवारी नोटीस बजावली
RBI ने मंगळवारी एक नोटीस बजावली असून अशी माहिती दिली की, बँकेत पुरेसे भांडवल नाही आणि मिळकत करण्याची क्षमता नाही, यामुळे ते आपल्या विद्यमान ठेवीदारांचे संपूर्ण पैसे परत देण्यास सक्षम होणार नाही. अशा परिस्थितीत बँकेला पुढील व्यवसाय करण्याची परवानगी दिली गेली तर त्याचा जनहितावर परिणाम होईल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.