हॅलो महाराष्ट्रा ऑनलाईन । आपण दररोज प्राणायाम आणि ध्यान केल्याने शरीरात खूप बदल होतात. भ्रमरी प्राणायाम हे तुमच्या मनाला एका क्षणात शांत करण्यात अत्यंत प्रभावी साधन आहे. मनात असलेल्या अनेक गोष्टी शांत पद्धतीने सोडवण्याचा प्रयत्न केला जातो. मनाची चिंता , निराशा, काळजी आणि क्रोधापासून सुटका मिळवण्याकरिता हा एक सर्वोत्तम श्वसनाचा व्यायाम आहे. त्यामुळे अनेक समस्यांपासून मुक्ती मिळवण्यासाठी हा प्रकार खूप चांगला आहे. घर किंवा इतर ठिकाणी कुठेही सराव करता येण्याजोगे आणि स्वतःला तणावमुक्त करण्याचा एक झटपट पर्याय आहे.
भ्रामरी प्राणायामाचा सराव कसा करावा-
–एका शांत, हवेशीर कोपऱ्यात डोळे बंद करून ताठ बसावे.
— चेहऱ्यावर मंद हास्य ठेवावे
–तुमची तर्जनी तुमच्या कानांवर ठेवा. तुमचा कान आणि गाल यांच्या मध्ये एक कुर्चा असतो. तुमच्या तर्जनीना या कुर्च्यावर ठेवा
–.एक दिर्घ श्वास घ्या आणि श्वास सोडताना, कुर्चावर किंचित दबाव द्या. भुंग्याचा तार स्वरात आवाज काढीत असताना, तुम्ही कुर्चाला दबलेले ठेवू शकता किंवा तुमच्या बोटाने दाब देणे आणि बंद करणे अशी क्रिया करीत राहा.
— चांगल्या परिणामांकरिता एकदम वरच्या स्वरात आवाज काढणे हे चांगले राहील..
–पुन्हा श्वास घ्या आणि हा संच ६-७ वेळा करावा.
–तुमचे डोळे थोड्या वेळासाठी बंद ठेवा. भ्रमरी प्राणायामाचा सराव तुम्ही झोपून किंवा उजव्या कुशीवर झोपून करू शकता. झोपून प्राणायामाचा सराव करीत असताना, केवळ भुणभुणण्याचा आवाज करा आणि कानावर तर्जनी ठेवण्याची तितकी अवश्यकता नाही. भ्रमरी प्राणायामचा सराव तुम्ही दररोज दिवसातून ३-४ वेळा करू शकता.
–या प्राणायामातील उच्छ्वासाचा आवाज हा भुंग्याच्या वैशिष्ट्यपूर्ण भुणभुणण्याप्रमाणे असतो, यावरून त्याचे असे नाव पडले आहे.
भ्रामरी प्राणायामाचे फायदे-
–एकाग्रता आणि स्मरणशक्ती सुधारते.
–आत्मविश्वास निर्माण होतो
-रक्तदाब कमी करण्यात मदत करत.
— हा प्राणायाम रिकाम्या पोटीच करावा.
–मानसिक ताण, संताप आणि अस्वस्थता यापासून लवकर सुटक मिळते.
–उच्च रक्तदाबाचा त्रास असणाऱ्या लोकांकरिता हे अतिशय परिणामकारक आहे .
— किंचित डोकेदुखी होत असेल तर त्यापासून आराम मिळतो.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘hello news’