वृत्तसंस्था । कोरोना व्हायरसच्या पार्श्वभूमीवर चीनमधील अनेक परदेशी कंपन्या चीनमधून आपलं बस्तान दुसऱ्या देशात सुरु करण्याच्या तयारीत आहेत. जपान, अमेरिका, आणि युरोपीय देशांतील अनेक कंपन्या आपले उद्योग प्रकल्प आता दुसरीकडे हलवत आहेत. अशा परिस्थितीत भारताच्या उद्योगिक विकास आणि रोजगार निर्मितीच्या दृष्टीनं ह्या कंपन्या भारतात आपले प्रकल्प सुरु करण्याच्या विचार करत आहेत. दरम्यान, जर्मनीची बूट तयार करणारी कंपनी वॉन वेल्सनं आपला चीनमधील व्यवसाय बंद करण्याचा निर्णय घेतला आहे. तसंच लवकरच ही कंपनी भारतात आपला प्रकल्प सुरू करणार आहे.
वॉन वेल्सनं ही कंपनी उत्तम आणि दर्जेदार फुटवेअर्स तयार करणारी कंपनी म्हणून परिचित आहे. कंपनीनं नुकताच चीनमधील आपला व्यवहार गुंडाळण्याचा निर्णय घेतला आहे. याव्यतिरिक्त लवकरच भारतात आपलं उत्पादन सुरू करणार असल्याचं म्हटलं आहे. आग्र्यामध्ये ही कंपनी आपला नवा प्रकल्प सुरू करणार आहे. यासाठी कंपनीनं लॅस्टीक इंटस्ट्रीजसोबत करारही केला आहे. वॉन वेल्सनं दिलेल्या माहितीनुसार कंपनीच्या उत्पादनांची विक्री ८० देशांमध्ये होते. तर १० लाखांपेक्षा अधिक लोक त्यांच्या उत्पादनांचा वापर करतात असंही कंपनीकडून सांगण्यात आलं आगे. तसंच या कंपनीची ५०० पेक्षा अधिक रिटेल स्टोअर्स असून ऑनलाइन पोर्टलवरदेखील या उत्पादनांची विक्री करण्यात येत असल्याचंही कंपनीनं म्हटलं आहे.
दोन दिवसांपूर्वी मूळ भारतीय असलेल्या लावा या कंपनीनं चीनमधून आपला व्यवसाय गुंडाळून भारतात येण्याचा निर्णय घेतला होता. त्यानंतर आता जर्मनीची बूट तयार करणारी कंपनी वॉन वेल्सनं आपला चीनमधील व्यवसाय बंद करण्याचा निर्णय घेतला आहे. तसंच लवकरच ही कंपनी भारतात आपला प्रकल्प सुरू करणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”