मोदी सरकार देणार खुशखबर ! किमान वेतन आणि किमान पेन्शनच्या रकमेत होणार मोठी वाढ ?

मोदी सरकार सर्वसामान्य नागरिकांसह कर्मचाऱ्यांसाठी सातत्याने अनेक पावले उचलत आहे. दोन राज्यातील निवडणुका आणि दिवाळी-छठ सारख्या सणानंतर मोदी सरकारने पुन्हा एकदा मोठा निर्णय घेतला आहे. दिवाळीनंतर मोदी मंत्रिमंडळाची महत्त्वाची बैठक झाली. या बैठकीत कर्मचाऱ्यांसाठी अनेक प्रकारचे प्रस्ताव मंजूर करण्यात आले आहेत. यातील सर्वात महत्त्वाच्या निर्णयाची अनेक दिवसांपासून प्रतीक्षा होती. मोदी सरकार कडून सरकारी कर्मचाऱ्यांना मोठा दिलासा मिळण्याची शक्यता आहे.

केंद्रीय कर्मचाऱ्यांसाठी आनंदवार्ता

केंद्र सरकारच्या कर्मचाऱ्यांसाठी मोदी सरकारने मोठा निर्णय घेतला आहे. या अंतर्गत 8 व्या वेतन आयोगाचा विचार केला जात आहे. याबाबत NCJCM या नावाने ओळखल्या जाणाऱ्या नॅशनल जॉइंट कन्सल्टेशन मशिनरीचे स्टाफ साइड सेक्रेटरी शिव गोपाल मिश्रा म्हणाले की, केंद्र सरकारच्या सुमारे 1 कोटी कर्मचारी आणि पेन्शनधारकांच्या 8 व्या वेतन आयोगाच्या मागणीवर विचार सुरू करण्यात आला आहे.

लवकरच जाहीर होऊ शकतो 8वा वेतन आयोग

गोपाल मिश्रा यांच्या म्हणण्यानुसार तर देशात लवकरच 8 वा वेतन आयोग जाहीर होऊ शकतो. याअंतर्गत एक कोटींहून अधिक कर्मचाऱ्यांना मोठा लाभ मिळण्याची अपेक्षा आहे. ते म्हणाले की, देशाची आर्थिक स्थिती सातत्याने सुधारत आहे. अशा स्थितीत विकासासाठी तसेच कर्मचाऱ्यांसाठी मोठी पावले उचलण्याची वेळ आली आहे.

किमान पगार इतका असेल

देशात 8वा वेतन आयोग लागू होताच किमान वेतनही 18000 रुपयांवरून 34560 रुपये होण्याची शक्यता आहे. म्हणजेच सरकारी कर्मचाऱ्यांसाठी ही वाढ जवळपास दुप्पट असेल. त्याचप्रमाणे पेन्शनधारकांसाठीही आनंदाची बातमी आली आहे. आता पेन्शनची रक्कम किमान 9000 रुपयांवरून 17280 रुपयांपर्यंत वाढण्याची शक्यता आहे.