नालगोंडा | दाक्षिणात्य चित्रपट सुपरस्टार ज्युनिअर NTR च्या वडिलांचा सकाळी झालेल्या भीषण अपघातात दुर्दैवी मृत्यू झाला. नेल्लोरवरुन हैदराबादला जाताना ही घटना घडली. नंदमुरी हरिकृष्ण हे आपल्या टोयोटा फॉर्च्युनर गाडीतून प्रवास करत होते. ओव्हरटेक करताना दुभाजकाला गाडी धडकल्याने अपघात झाला व गाडी पलटी होऊन हरिकृष्ण त्यातून बाहेर फेकले गेले. अपघातावेळी गाडीचा वेग तब्बल १५० किलोमीटर प्रतितास असल्याचं सांगितलं जात आहे. दरम्यान या घटनेमुळे दाक्षिणात्य व भारतीय चित्रपटसृष्टीवर शोककळा पसरली आहे. नंदमुरी हरिकृष्णहे तेलगू देसम पार्टीचे आघाडीचे नेतेही होते.
