सिकंदराबाद | येथील २७ वर्षीय शिवा कुमार या तरुणाने आपली पत्नी आपल्याला व्हॉट्सअपवर मैत्रिणीशी बोलू देत नाही या कारणामुळे गळफास घेऊन आत्महत्या केली आहे. शिवा कुमारच्या आत्महत्येची बातमी कळताच त्याची प्रेयसी असलेल्या १९ वर्षीय वेनीलानेसुद्धा विष घेऊन आत्महत्या केली. सोशल मीडियाच्या अतिरिक्त वापरामुळे नातेसंबंधात पडत चाललेली फूट पुन्हा एकदा प्रकर्षाने जाणवून आली असून या घटनेने तरुणाई हादरली आहे.
मागील महिन्यातच शिवा कुमारने लाहरी हिच्याशी विवाह केला होता. विवाहानंतरही शेजारी राहणाऱ्या वेनीलाशी त्याचे फोन व व्हॉट्सअपवरुन बोलणे सुरुच होते. या गोष्टीला वैतागून लाहरी ने दोघांनाही खडे बोल सुनावले होते. शिवा कुमार हा व्यवसायाने इलेक्ट्रिशियन होता.
व्हॉट्सअप वर बोलू देत नाही म्हणून पतीने आणि त्याच्या प्रेयसीने केली आत्महत्या
