कराड प्रतिनिधी | कराड तालुक्यातील घारेवाडी येथे शिवम प्रतिष्ठान जवळ असलेल्या डोंगरात एका उताराच्या भागावर मृत अवस्थेत एक बिबट्या सापडला. सायंकाळी 5.30 ला एक धनगराला मेंढ्या घेऊन परतत असताना हा प्रकार दिसला. त्याने गावात सरपंचांना सांगितले, तातडीने वनक्षेत्रपाल विलास काळे यांना त्यांनी याची खबर दिली.
माहिती मिळताच वनक्षेत्रपाल विलास काळे हे पाटणहुन घटनास्थळी रवाना झाले. तत्पूर्वी वन विभागाचे इतर वनरक्षक व वनपाल हे घटनास्थळी तात्काळ दाखल झाले. मा.मानद वन्यजीव रक्षक व पशुवैद्यकीय डॉ संजय हिंगमीरे हे दोघे कराड हुन घटनास्थळी तकाळ दाखल झाले. बिबट्या सडलेल्या अवस्थेत होता. त्याचे सर्व भाग म्हणजे नख्या, मिश्या दात सुस्थित होते.
दरम्यान, डॉ यांनी प्राथमिक तपासणी केली, बहुदा 72 तास हुन अधिक काळ मृत्यू होऊन झाले होते असे त्यांचे म्हणणे होते. बिबट्या मादी सुमारे 1.5 ते 2 वर्ष वय असलेली होती. बिबट्यास निमोनिया झाले होते व आतडयाचे विकार होते हे दिसले. बिबट्या च्या संपुर्ण शरीरात माशी, किडे, व मगोत(आळी) झालेल्या होत्या. अधिक तपास सुरू आहे. घटनास्थळी सहायक वनसंरक्षक किरण कांबळे, वनक्षेत्रपाल विलास काळे, मा मानद वन्यजीव रक्षक रोहन भाटे, डॉ संजय हिंगमीरे, वनरक्षक रमेश जाधवर, व इतर वन कर्मचारी उपस्थित आहेत.