हॅलो महाराष्ट्र ऑनलाईन । देशातील आघाडीची टेलिकॉम कंपनी असलेल्या Airtel ने आपल्या ग्राहकांसाठी नवा रिचार्ज प्लॅन लाँच (Airtel Recharge Plan) केलं आहे. हा एक डेटा ऍड ऑन रिचार्ज प्लॅन आहे. म्हणजेच समजा तुमचे रेग्युलर रिचार्जवरील इंटरनेट संपलं असेल तर तुम्ही हा डेटा ऍड ऑन प्लॅन मारून पुन्हा एकदा इंटरनेट वापरू शकता. आम्ही तुम्हाला ज्या प्लॅन बद्दल सांगत आहोत तो आहे एअरटेलचा २६ रुपयांचा मोबाईल रिचार्ज .. यामध्ये ग्राहकांना 1.5GB इंटरनेट वापरता येईल. यापूर्वी एअरटेलने आपल्या ग्राहकांसाठी 22 रुपयांचा रिचार्ज प्लॅन आणला होता, मात्र त्यामध्ये फक्त 1GB इंटरनेट डेटा मिळतो.
व्हॅलिडिटी फक्त 1 दिवसाची- Airtel Recharge Plan
यूजर्स Airtel चा हा प्लान आधीपासून चालू असलेल्या Truly Unlimited प्लॅनसह निवडू शकतात. या प्लॅनमध्ये यूजर्सना कोणत्याही प्रकारचा फ्री कॉलिंगचा लाभ दिला जात नाही. कंपनीने हा प्लॅन (Airtel Recharge Plan) खासकरून अशा यूजर्ससाठी आणला आहे ज्यांना इमर्जन्सी इंटरनेट डेटाची गरज आहे. 26 रुपयांच्या या रिचार्ज प्लॅनची व्हॅलिडिटी फक्त 1 दिवसाची आहे, ज्यामध्ये यूजर्सना 1.5GB हाय स्पीड डेटा मिळतो. डेटा मर्यादा संपल्यानंतर, ग्राहकांकडून प्रति एमबी 50 पैसे आकारले जातील. या व्यतिरिक्त, कंपनीकडे आधीपासूनच अनेक डेटा प्लॅन आहेत, ज्यामध्ये वापरकर्त्यांना जास्त दिवसांची व्हॅलिडिटी . कंपनीच्या 77 रुपयांच्या प्लॅनमध्ये 5GB डेटा आणि 121 रुपयांच्या प्लॅनमध्ये 6GB इंटरनेट डेटा मिळतो.
खरं तर यापूर्वीचा 77 रुपयांच्या डेटा प्लॅन 65 रुपयांत मिळत होता. मात्र त्यामध्ये ग्राहकांना 4 जीबी इंटरनेट डेटा आता या रिचार्ज प्लॅनची किंमत वाढवून 77 रुपये करण्यात आली आहे आणि ग्राहकांना एक जीबी जास्त डेटा देण्यात आलाय. तर दुसरीकडे 121 रुपयांच्या डेटा प्लान मध्ये यूजर्सना 6GB डेटा मिळणार आहे, यापूर्वी ग्राहकांना या प्लॅन मध्ये 5GB इंटरनेटचा लाभ घेता येत होता, आता इंटरनेट डेटा वाढवण्यात आलाय. याशिवाय कंपनी एअरटेल थँक्स ॲपवर 2 जीबी अतिरिक्त डेटा देत आहे. म्हणजेच या प्लॅनवर एअरटेलच्या ग्राहकांना एकूण 8 GB डेटा ऑफर केला जाईल.