बारामती | वारीतील उत्कंटा वाढवणारी बाब म्हणजे रिंगण. गोल रिंगण आणि उभे रिंगण असे रिंगणाचे दोन प्रकार पडतात. दोन्ही रिंगणात घोड्यांच्या वेगवान हालचाली उपस्थितांचे लक्ष वेधून घेतात. बारामती भागात धनगर समाज मोठया संख्येने असल्याने येथे मेंढरांच्या रिंगणांची परंपरा अनेक वर्षापासून पाळली जाते.
आज तुकाराम महाराजांची पालखी काटेवाडी मुक्कामी येणार आहे. त्यासाठी पालखी मार्गावर काटेवाडीच्या रणावरे कुटूंबियाकडून धोतराच्या पाय घड्या अंतरण्यात येणार आहेत. पायघड्या अंथरण्याची परंपरा रणावरे कुटूंबियांच्या चार पिढयां पासून पाळली जात आहे. तुकाराम महाराजांच्या पालखीचा असा उत्सव साकार होत असताना तिकडे ज्ञानेश्वर महाराजांच्या पालखीचे तरटगाव या ठिकाणी लिंबाबाच्या माळावर उभे रिंगण पार पडणार आहे.