हॅलो महाराष्ट्र ऑनलाइन । कोरोना विषाणूपासून बचाव करण्याच्या प्रयत्नांमध्ये महाराष्ट्राचे गृहमंत्री अनिल देशमुख यांनी जाहीर केले की ११,००० कैद्यांना पॅरोलवर सोडण्यात येणार आहे. ते म्हणाले की, सात वर्षांपेक्षा कमी कारावासाची शिक्षा असलेल्या कैद्यांना सरकार पॅरोलवर सोडेल. मुख्यमंत्री उद्धव ठाकरे यांनी गुरुवारी आपल्या अधिकृत निवासस्थानी वर्षा लॉन येथे वरिष्ठ अधिकाऱ्यांची भेट घेताना राज्यात कोरोना विषाणूचा प्रसार रोखण्यासाठी घेतलेल्या उपायांचा आढावा घेतला.
Nearly 11,000 convicts & undertrials who are imprisoned for offences with prescribed punishment up to 7 years or less should be released on emergency parole or furlough to reduce overcrowding in prisons & to contain #COVID19 outbreak: Maharashtra Home Minister Anil Deshmukh pic.twitter.com/TdQRu9OR7P
— ANI (@ANI) March 26, 2020
मुख्यमंत्री कार्यालयाने (सीएमओ) दिलेल्या निवेदनात म्हटले आहे की, वातानुकूलित खोलीत बैठक घेण्याऐवजी ठाकरे यांनी बाहेर अंगणात मोकळ्या ठिकाणी अधिकाऱ्यांची भेट घेतली. निवेदनात म्हटले आहे की, कोरोना विषाणूचा धोका लक्षात घेता सावधगिरी बाळगणाऱ्या अधिकाऱ्यांना एकमेकांपासून सुरक्षित अंतरावर ठेवण्यात आले होते. या बैठकीला मुंबई महानगरपालिका आयुक्त प्रवीण परदेशी, मुख्य सचिव अजॉय मेहता, सीएमओचे प्रधान सचिव आशिषकुमार सिंग यांच्याशिवाय पर्यटनमंत्री आदित्य ठाकरे आणि संसदीय कार्यमंत्री अनिल परब उपस्थित होते.