बातमी काल दिवसभराची

१.पूर्वांचल एक्सप्रेस वे कोनशीला मोदींच्या हस्ते.
उत्तर प्रदेशाच्या अजमगड मध्ये पूर्वांचल एक्सप्रेस वे ची कोन शीला पंतप्रधान नरेंद्र मोदी यांच्या हस्ते करण्यात आली यावेळी त्यांनी विरोधकांचा समाचार घेत परिवारवादाच्या विरोधात विकासवाद असा नारा दिला
२.राष्ट्रपतीनी केले राज्यसभेवर चार सदस्य नियुक्त.
संविधानातील तरतुदी नुसार १२सदस्य राज्य सभेवर नेमण्याचा अधिकार राष्ट्रपतींना असतो.त्यापैकी चार रिक्त जागी काल राष्ट्रपतींनी राकेश सिन्हा,राम शकल,मूर्तिकार रघुनाथ महापात्रा, या चौघांची नेमणूक केली आहे.
३.सिंहगड घाट रस्त्यावर कोसळली दरड.
काल सकाळी सिंहगडाच्या रस्त्यावर दरड कोसळली आहे.सुदैवाने कोणतीही जीवित हाणी झाली नाही.दरड कोसळल्याने रस्ता वाहतुकी साठी सहा दिवस बंद ठेवण्यात आला आहे.
४.उद्धव ठाकरेंनी घेतली पुण्यात बैठक.
पुण्यासहित सोलापूर सांगली सातारा कोल्हापूर जिल्यातील पदाधिकाऱ्यासोबत पक्ष बांधणी आणि आगामी निवडणुकांच्या दृष्टीने उद्धव ठाकरेंनी बैठक घेतली.त्यानंतर त्यांनी पत्रकारांना संबोधले.
५.तुकोबांच्या पालखीचे गोल रिंगण तर ज्ञानोबांच्या पालखीचे उभे रिंगण.
तुकाराम महाराजांच्या पालखीचे काटेवाडीत गोल रिंगण पार पडले तर ज्ञानेश्वर महाराजाच्या पालखीचे उभे रिंगण चांदोबाच्या लिंबा जवळ पार पडले.तुकोबांचा सणसर तर ज्ञानोबांचा तरटगाव या ठिकाणी मुक्काम होता.