BSNL | यावर्षी जुलै महिन्यात अनेक लोकप्रिय टेलिकॉम कंपन्यांनी त्यांच्या रिचार्ज दरामध्ये वाढ केलेली आहे. आणि याचा फायदा सरकारी टेरिकॉम कंपनी बीएसएनएलला (BSNL) मोठ्या प्रमाणात झालेला आहे. बीएसएनएल कंपनीला आता अच्छे दिन यायला लागलेले आहेत. गेल्या काही महिन्यातच बीएसएनएलच्या ग्राहकांमध्ये खूप झपाट्याने वाढ झालेली आहे जिओ, एअरटेल आणि त्यांच्या रिचार्ज दरामध्ये वाढ केल्यामुळे त्यांच्या अनेक ग्राहक नाराज झाले आहे. आणि चांगल्या सेवेसाठी ते बीएसएनएलकडे वळाले आहेत.
हाती आलेल्या माहितीनुसार गेल्या दोन महिन्यात बीएसएनएलच्या (BSNL) ग्राहकांची संख्या खूप जास्त वाढलेली आहे. बीएसएनएल अगदी कमी दरांमध्ये रिचार्ज प्लॅन उपलब्ध करत आहेत. तसेच बीएसएनएल त्यांची ४ Gसेवा देखील लाँच केलेली आहे. बीएसएनएल कडे जवळपास 30 लाख नवीन ग्राहक जोडलेले आहे. तर इतर टेलिकॉम कंपन्यांच्या ग्राहकांची संख्या मात्र कमी झालेली आहे.
यामध्ये एअरटेलने 17 लाख युजर्स गमावले आहे. वोडाफोन आयडियाने 14 लाख युजर्स कमावले आहे. तर जिओने 8 लाख युजर गमावलेले आहे. परंतु बीएसएनएल ही एकमेव अशी कंपनी आहे, जिच्या ग्राहकांची संख्येमध्ये वाढ झालेली आहे. या महिन्यात जवळपास 25 लाख नवीन ग्राहक जोडले गेलेले आहेत.
बीएसएनएलचा (BSNL) बाजारातील शेअर खाजगी कंपन्यांच्या तुलनेत अगदीच कमी आहे. यावर्षी ऑगस्ट महिन्याच्या शेवटी जिओ 40.5% मार्केट शेअर्सह आघाडीवर आहे. त्यानंतर एअरटेलचा शेअर हा 33% आहे. वोडाफोन आयडीचा शेअर हा 18% आहे. तर बीएसएनएल 7.8% एवढा आहे. बीएसएनएलचा रिचार्ज अगदी कमी आहे. यामध्ये अगदी कमीत कमी पैशांमध्ये लोकांना सेवा प्रदान केली जाते. कंपनीने अनेक ठिकाणी त्यांचे 4 G हाय स्पीड इंटरनेट स्पीड लाँच केलेले आहे. त्यामुळे बीएसएनएलच्या अनेक ग्राहकांना याचा फायदा होत आहे. आणि यामुळेच अनेक ग्राहक बीएसएनएलसी जोडले गेलेले आहेत.