हॅलो महाराष्ट्र ऑनलाईन BSNL Recharge Plans । देशी टेलिकॉम कंपनी BSNL आपल्या ग्राहकांसाठी नेहमीच स्वस्तात मस्त आणि ग्राहकांच्या खिशाला परवडणारे रिचार्ज प्लॅन लाँच करत असते. जिओ, एअरटेल, वोडाफोन- आयडिया सारख्या कंपन्यांचे रिचार्ज महाग असल्याने ग्राहक सुद्धा मोठ्या प्रमाणावर बीएसएनएल कडे वळत आहेत. मार्केट मध्ये बीएसएनएलचे एकामागून एक रिचार्ज प्लॅन उपलब्ध आहेत. आज आम्ही तुम्हाला अशाच एका रिचार्ज बद्दल सांगणार आहोत, ज्याची व्हॅलिडिटी तब्बल ८४ दिवस आहे. आणि महत्वाची बाब म्हणजे ७ रुपयांच्या खर्चात तुम्हाला दररोज ३ जीबी इंटरनेटला लाभ घेता येईल.
BSNL चा 599 रुपयांचा रिचार्ज प्लॅन- BSNL Recharge Plans
आम्ही तुम्हाला ज्या रिचार्ज प्लॅन बद्दल सांगत आहोत तो आहे बीएसएनएलचा ५९९ रुपयांचा रिचार्ज प्लॅन… अलीकडेच बीएसएनएलने त्यांच्या सोशल मीडिया प्लॅटफॉर्म एक्सवर एक पोस्ट शेअर करत या नवीन प्लॅनबद्दल माहिती दिली आहे. कंपनीने म्हंटल कि, बीएसएनएल वापरकर्ते फक्त ५९९ रुपयांच्या या प्लॅनमध्ये हाय-स्पीड इंटरनेटचा आनंद घेऊ शकतात. तसेच, या प्लॅनमध्ये तुम्हाला अमर्यादित कॉलिंगची सुविधा मिळणार आहे. ज्यांना रिचार्जसाठी जास्त पैसे खर्च न करता मनसोक्त इंटरनेटचा आनंद लुटायचा आहे अशा ग्राहकांसाठी बीएसएनएलचा ५९९ रुपयांचा रिचार्ज प्लॅन (BSNL Recharge Plans) नक्कीच परवडणारा असेल.
कोणकोणते फायदे मिळतात?
BSNL चा ५९९ रुपयांचा रिचार्ज प्लॅन (BSNL Recharge Plans) सर्वच बाजूनी ग्राहकांसाठी फायदेशीर आहे. यामध्ये तुम्हाला अनलिमिटेड कॉलिंग, दररोज ३ जीबी डेटा मिळणार आहे. तसेच, या प्लॅनमध्ये दररोज १०० एसएमएस पाठवण्याची मुभा आहे. महत्वाची बाब म्हणजे बीएसएनएलचा हा रिचार्ज प्लॅन ८४ दिवसांसाठी आहे. म्हणजे जवळपास तुम्ही ३ महिने या प्लानचा लाभ घेऊ शकता. तेही फक्त ५९९ रुपये… महिन्याचा हिशोब केल्यास प्रति महिना २०० रुपये पडेल. जर तुम्ही दिवसाला ३ जीबी इंटरनेट देणारे एअरटेल, जिओचे रिचार्ज प्लॅन बघितले तर बीएसएनएल पेक्षा खूपच महाग आहेत… त्यामुळे तुम्हालाही कमी पैशात बीएसएनएलचा रिचार्ज परवडेल.
1 रुपयात सिमकार्ड –
बीएसएनएलने त्यांच्या वापरकर्त्यांसाठी एक खास फ्रीडम ऑफर देखील आणली आहे. यामध्ये तुम्ही १ रुपयांत नवीन सिमकार्ड खरेदी करू शकता किंवा तुमचे जुने सिम बीएसएनएल मध्ये पोर्ट करू शकता. या ऑफर अंतर्गत कंपनी फक्त १ रुपयांमध्ये अमर्यादित कॉलिंग तसेच दररोज २ जीबी डेटा देत आहे. एवढच नव्हे तर दररोज १०० एसएमएसचा लाभ तुम्हाला मिळतोय.
