नवी दिल्ली : नागरिकत्व दुरुस्ती कायद्याच्या विरोधात देशभर आंदोलने केली जात आहेत. काही ठिकाणी या आंदोलनाला हिंसक वळण मिळाल्याने जाळपोळीसारख्या घटना घडल्या आहेत. यामुळे सार्वजनिक मालमत्तेचे मोठ्या प्रमाणात नुकसान झाले आहे. याचा सर्वात मोठा फटका रेल्वेला बसला आहे. पश्चिम बंगाल, ईशान्यकडील काही राज्यात रेल्वेच्या जाळपोळीच्या घटना घडल्या. यांमुळे रेल्वेला जवळपास ८० कोटींचे नुकसान झाल्याची माहिती रेल्वे बोर्डाचे अध्यक्ष, विनोदकुमार यादव यांनी दिली आहे.
Vinod Kumar Yadav, Chairman, Railway Board: The cost of the damage caused (during protests against #CitizenshipAmendmentAct) is approximately Rs. 80 crores, of which Rs. 70 crores is of the Eastern Railway & Rs. 10 crores is of the North Frontier Railway. pic.twitter.com/2OigK1Q9de
— ANI (@ANI) December 30, 2019
८० कोटींपैकी पूर्व रेल्वेचे ७० कोटी आणि उत्तरेकडील रेल्वे विभागाचे १० कोटी नुकसान झाल्याची माहिती विनोदकुमार यादव यांनी दिली आहे. नागरिकत्व दुरुस्ती कायद्याविरोधात अजूनही आंदोलने सुरूच आहेत. काही राज्यात या आंदोलनाला हिंसक वळण मिळाल्याने सार्वजनिक मालमतेचे मोठ्या प्रमाणात नुकसान झाले. पंतप्रधान मोदी यांनी मला जाळा, पण सार्वजनिक मालमत्तेचे नुकसान करू नका असे आवाहन केले होते.