हॅलो महाराष्ट्र ऑनलाईन। (Chimpanzee Smoking) आजकाल सोशल मीडियावर व्हायरल होणाऱ्या व्हिडिओंमध्ये कधी काय पहायला मिळेल याबद्दल काही बोलू शकत नाही. कल्पनेच्या पलीकडे घडणाऱ्या घटनांचे एकापेक्षा एक व्हिडीओ सोशल मीडियाच्या माध्यामातून पहायला मिळतात. यातील कितीतरी व्हिडीओ सोशल मीडियावर ट्रेंडिंगमध्ये येतात आणि सगळ्यांचे लक्ष वेधून घेतात. कधी फूड फ्युजन, तर कधी अपघातांचे व्हिडीओ, इतकेच काय तर आजकाल माणसांसारखेच प्राण्यांचेसुद्धा अतरंगी व्हिडीओ पहायला मिळतात. आताही सोशल मीडियावर अशाच एका व्हिडीओने युजर्सचे लक्ष वेधून घेतल्याचे दिसत आहे.
सोशल मीडियावर प्राण्यांचे बरेच व्हिडीओ व्हायरल होतात. यात कधी प्राणी गाणी म्हणत असतात तर कधी स्टंट करत असतात. इतकेच काय तर कधी मजेशीर खेळ खेळतात, भांडतात तर कधी नाचताना सुद्धा दिसतात. (Chimpanzee Smoking) सध्या सोशल मीडियावर वायरल होणाऱ्या एका व्हिडीओमध्ये एक चिंपांझी असे कृत्य करत आहे जे पाहून तुम्ही चाट पडाल. चिंपांझीला प्राण्यांमध्ये सर्वात बुद्धीमान प्राणी म्हणून ओळखतात. पण तो या व्हिडिओत आपल्या बुद्धीचा वापर ज्या कामासाठी करतोय ते पाहून तुम्हालाही चिंता वाटेल.
व्हायरल व्हिडीओ (Chimpanzee Smoking)
सोशल मीडियावर व्हायरल होणाऱ्या या व्हिडीओमध्ये दिसतंय की, एक चिंपांझी एका ठिकाणी निवांत बसला आहे. यावेळी त्याच्या हातात चक्क सिगारेट आहे. रोज सिगारेट पिणाऱ्यांना तगडी टक्कर देत एकदम स्टाईलमध्ये हा चिंपांजी सिगारेट ओढतोय. चिंपांझीची सिगारेट ओढण्याची हटके स्टाईल पाहून कुणीही थक्क होईल. नाकातून धूर काढत हा चिंपांजी एन्जॉय करत सिगारेट ओढतोय. हे दृश्य खरोखरच थक्क करणारे आहे. सध्या हा व्हिडीओ सोशल मीडियावर तुफान व्हायरल होतो आहे.
हा व्हायरल व्हिडीओ सोशल मीडिया हॅण्डल इंस्टाग्रामवर earth.reelनावाच्या अकाऊंटवरून शेअर करण्यात आला आहे. हा व्हिडीओ पोस्ट करणाऱ्या व्यक्तीने ‘या व्हिडीओला कॅप्शन द्या’, असे लिहिले आहे. आतापर्यंत हा व्हिडीओ अनेकांनी बघितला असून यावर विविध प्रतिक्रिया दिल्या आहेत. (Chimpanzee Smoking)अनेकांनी या व्हिडिओवर प्रतिक्रिया देताना या चिंपांजीच्या प्रकृतीबाबत चिंता व्यक्त केली आहे. एकाने म्हटले आहे, ‘प्लीज याच्या हातातून सिगारेट काढून घ्या’. तर दुसर्याने म्हटलंय, ‘माणसासारखी यालाही वाईट सवय लागली’.