CIDCO Lottery : मुंबई आणि आसपासच्या परिसरातील नागरिकांसाठी कमी किमतीत घरं मिळवण्याची नामी संधी सिडकोकडून सातत्याने दिली जाते. अशाच प्रकारच्या “माझे पसंतीचे सिडकोचे घर” योजनेअंतर्गत अर्जदारांची अंतिम यादी जाहीर (CIDCO Lottery) करण्यात आली आहे.
योजनेची माहिती
सिडकोने या योजनेत 26,502 घरांच्या विक्रीसाठी अर्ज मागवले होते. परंतु, अंतिम यादीनुसार 21,399 अर्जदारांनी बुकिंग शुल्क भरले आहे. अर्जदारांना त्यांच्या अर्जाची स्थिती पाहण्यासाठी सिडकोच्या अधिकृत वेबसाईट cidcohomes.com वर लिंक उपलब्ध करून देण्यात आली आहे. यावर नाव तपासता येईल.
घरांची ठिकाणं (CIDCO Lottery)
खारघर, वाशी, खारकोपर, तळोजा, कळंबोली आणि इतर ठिकाणी घरं उपलब्ध आहेत. सुरुवातीला सिडकोने अर्जासाठी मुदतवाढ दिली होती, परंतु अपेक्षेपेक्षा कमी प्रतिसाद मिळाला.
सोडतीचा अंतिम टप्पा (CIDCO Lottery)
सिडकोकडून आता घरांची सोडत 15 फेब्रुवारी रोजी जाहीर करण्यात येणार आहे. ही सोडत सकाळी 11 वाजून 20 मिनिटांनी तळोजा पाचनंद येथे रायगड इस्टेट-फेज I, सेक्टर 28 या ठिकाणी पार पडेल.
योजनेतील अडथळे
सुरुवातीला सिडकोने घरांच्या किमती जाहीर केल्या नव्हत्या, त्यामुळे अर्जदारांमध्ये संभ्रम निर्माण झाला. नंतर जाहीर झालेल्या किमती काही अर्जदारांना परवडणाऱ्या वाटल्या नाहीत, त्यामुळे त्यांनी बुकिंग शुल्क भरले नाही.
महत्त्वाचे
अंतिम यादीत नाव आहे का, हे पाहण्यासाठी cidcohomes.com वर भेट द्या.
15 फेब्रुवारीच्या सोडतीसाठी अर्जदारांनी तयार राहावे.
योजनेचा फायदा घेण्यासाठी अर्जदारांनी अर्जाच्या तपशीलांची योग्य तोंडओळख ठेवावी.
सिडकोच्या या योजनेत घर खरेदीसाठी अर्ज केलेल्या नागरिकांसाठी 15 फेब्रुवारीचा दिवस निर्णायक ठरणार आहे.
