हॅलो महाराष्ट्र ऑनलाईन । पुणे – बंगळूर राष्ट्रीय महामार्गावर (Pune Bangalore Expressway) एक मोठी दुर्घटना घडली आहे. सीएनजी गॅसची (CNG Gas) वाहतूक करणाऱ्या ट्रकमधील गॅसची अचानक गळती सुरु झाल्याचा प्रकार घडला. कराड शहरानजीक असलेल्या मलकापूर हद्दीतील कराड (Karad) खरेदी विक्री संघ इमारतीशेजारी आज पहाटे ६ वाजण्याच्या सुमारास हि घटना घडली. अचानक लागलेल्या या गॅस गळतीमुळे परिसरातील वाहतूक काहीकाळ थांबवण्यात आली होती. तसेच नागरिकांमध्येही एकच गोंधळ उडाला.
याबाबत अधिक माहिती अशी कि, पुणे बंगलोर महामार्गावर कोल्हापूरहून साताऱ्याच्या दिशेने एक ट्र्क CNG गॅसची वाहतूक करत होता. महामार्गावरील उड्डाणपुलाचे काम सुरु असल्याने या ठिकाणी दोन्ही लेनवरील वाहतूक हि सर्व्हिस रोडवरून सुरु ठेवण्यात आली आहे. या सर्व्हिस रोडवरून सातारच्या दिशेने सीएनजी गॅसच्या टाक्यांनी भरलेला ट्रक निघाला असताना अचानक ट्रकमधील टाक्यातून सीएनजी गॅस बाहेर येऊ लागला. गॅस बाहेर येत असल्याचे ट्रकमधील ड्रायव्हरच्या लक्षात आल्याने त्याने तो ट्रक खरेदी विक्रि संघाच्या इमारतीसमोर सर्व्हिस रस्त्यावर उभा केला.
ट्रक मधील सीएनजी गॅस बाहेर येत असल्याचे परिसरात इमारतीमधील राहत असलेल्या रहिवाशांनी पाहिले. त्यांनी तत्काळ इमारत इमारतीतून खाली धाव घेतली. तसेच इतर नागरिकांनी या घटनेची माहिती पोलीस आणि अग्निशामक दलाच्या कर्मचाऱ्यांना दिली. घटनास्थळी ड्रॉयव्हरने प्रसंगावधान राखत लिकेज झालेल्या सीएनजी टाक्याचे लिकेज काढून बाहेर पडणारा सीएनजी गॅस बंद केला. साधारण एक तासाच्या अथक प्रयत्नानंतर सीएनजी गॅसवर नियंत्रण मिळवण्यात ड्रायव्हरला यश आले. त्यानंतर पोलीस व अग्निशामक दलाचे कर्मचारी घटनास्थळी दाखल झाले.
दरम्यान, अचानक घडलेल्या या घटनेनं परिसरात असलेल्या रहिवाशांमध्ये एकच गोंधळ उडून गेला. रहिवाशांनी भीतीपोटी इमारतीतून बाहेर धाव घेतली. तर सर्व्हिस रोडवरील सातारच्या दिशेने जाणारी वाहतूक काहीकाळ थांबविण्यात आली. त्यामुळे महामार्गावर वाहतूक कोंडी देखील निर्माण झाली.