हॅलो महाराष्ट्र ऑनलाईन Corona Cases In Maharashtra। कोरोना विषाणूने पुन्हा एकदा डोकं वर काढलं असून दिवसेंदिवस रुग्णसंख्या वाढतच चालली आहे. काल मंगळवारी एकाच दिवशी राज्यात ८६ नवीन कोरोना रुग्णांची नोंद झाली आहे. यामध्ये सर्वाधिक २६ रुग्ण मुंबईतील आहेत. त्यानंतर पुण्यात २४ कोरोना रुग्ण सापडले. याशिवाय ठाण्यात ९ तर नवी मुंबईत कोरोनाचे ६ रुग्ण आढळले आहेत. सध्या महाराष्ट्रात सक्रिय कोरोना रुग्णांची संख्या ५१० झाली आहे. त्यामुळे नागरिकांमध्ये चिंतेचं वातावरण निर्माण झालं आहे.
२ रुग्णांचा मृत्यू Corona Cases In Maharashtra-
राज्य आरोग्य विभागाच्या प्रेस नोटनुसार, जानेवारी २०२५ पासून मुंबईत एकूण ५०९ कोविड रुग्णांची नोंद झाली आहे, त्यापैकी ५०३ मे महिन्यात नोंदवले गेले आहेत. राज्यात आणखी दोन मृत्यूंची नोंद झाली आहे, त्यामुळे मृतांचा आकडा १४ वर पोहोचला आहे. परंतु आरोग्य विभागाने म्हटले आहे की त्यापैकी १३ जणांना मधुमेह, उच्च रक्तदाब, कर्करोग, फुफ्फुसांचा आजार, क्रॉनिक ब्राँकायटिस आणि हृदयरोग यासारख्या आजारांनी ग्रासले होते.
सध्या देशभरात कोरोनाच्या एकूण रुग्णांची संख्या ४,०२६ वर पोहोचली आहे, ज्यामध्ये केरळमध्ये सर्वाधिक १,४१६ रुग्ण आढळले आहेत, त्यानंतर महाराष्ट्र (४९४), गुजरात (३९७) आणि दिल्ली (३९३) यांचा क्रमांक लागतो. मंगळवारी महाराष्ट्रात दोन आणि केरळ, तामिळनाडू आणि बंगालमध्ये प्रत्येकी एक अशा एकूण ५ कोरोना रुग्णांचा मृत्यू झाला . या वर्षी भारतात झालेल्या ३७ कोविड मृत्यूंपैकी महाराष्ट्रात सर्वाधिक १० जणांचा मृत्यू झाला आहे, त्यानंतर केरळ (९), दिल्ली (४), कर्नाटक (४), तामिळनाडू (३) आणि उत्तर प्रदेश (२) यांचा क्रमांक लागतो.
सरकारने दिलेल्या माहितीनुसार, मंगळवारी महाराष्ट्रात (Corona Cases In Maharashtra) मृत्युमुखी पडलेल्या दोन्ही व्यक्ती ७० वर्षांच्या महिला होत्या ज्यांना मधुमेहासह इतर आजार होते.वाढत्या रुग्णांच्या दरम्यान, राज्य आरोग्य विभागाने सोमवारी महाराष्ट्रातील नागरी प्रशासक आणि जिल्हाधिकाऱ्यांना कोविड १९ रुग्णांना हाताळण्यासाठी, आयसोलेटेड बेड, मेडिकल ऑक्सिजन, पीपीई किट इत्यादी मार्गदर्शक तत्त्वांचे पालन करण्याचे सल्लागार जारी केले आहेत
