हॅलो महाराष्ट्र ऑनलाइन । बॉईज लॉकर रूम प्रकरणात एक मोठा ट्विस्ट आला आहे. तपासादरम्यान सायबर सेलने सर्वांना आश्चर्यचकित केल्याचे समोर आले. या प्रकरणात पोलिसांचे म्हणणे आहे की, एका मुलीने ‘सिद्धार्थ’ नावाने बनावट प्रोफाइल बनवून स्नॅपचॅटवर मुलांमध्ये एंट्री केली होती. मुलाच्या चारित्र्याबद्दल जाणून घेण्यासाठी तिने हे सर्वकाही केले.हे चॅटिंग केवळ इंस्टाग्रामवरच नव्हे तर स्नॅपचॅटवरही झाले होते. या प्रकरणात सायबर सेलने आणखी दोन जणांना पकडले आहे.
मुलीने तिच्याच गँगरेपचे प्लँनिंग सुचवले
पोलिसांनी सांगितले की,या मुलीने तिच्या सिद्धार्थ या नावाने त्या मुलाला तिच्याच सामूहिक बलात्कारा करण्याविषयीचे सुचवले होते. ज्या मुलाकडे हे मेसेज पाठवले गेले होते तो मुलगाही अल्पवयीन आहे. त्याने ‘सिद्धार्थ’ (आरोपी मुलगी) च्या सुचविलेल्या योजनेत भाग घेण्यास नकार दिला आणि चॅटिंग थांबविले. चॅटिंग संपल्यानंतर त्या मुलाने या चॅटिंगचा स्क्रीनशॉट त्या मुलीसह त्याच्या मित्रांच्या ग्रुपमध्ये पाठविला. ‘सिद्धार्थ’ नावाची प्रोफाइल काल्पनिक होती, जी तिने स्वत:च तयार केली होती आणि हे फक्त त्या मुलीलाच ठाऊक होते. आता त्या मुलाने चॅटिंग थांबवले की आपल्या बचावासाठी त्याने चॅटिंग डीलीट केले हे शोधण्याचा पोलिसांचा प्रयत्न आहे.
स्क्रीनशॉट इंस्टाग्राम स्टोरीज वर पोस्ट केला
यापैकी एका मित्राने त्याच्या इन्स्टाग्राम स्टोरीजवर स्क्रीनशॉट पोस्ट केला होता तिथून तो सोशल मीडियावर व्हायरल झाला. त्याच वेळी, जेव्हा लोकांना मुलांच्या या लॉकर रूमबद्दल कळले तेव्हा त्यामध्ये या स्नॅपचॅटच्या चॅटिंगचा देखील उल्लेख केला गेलेला होता.लोकांना वाटले की हे चॅटिंग इन्स्टाग्रामवर केले गेले आहे. सध्या सायबर सेलला आणखी तीन इंस्टाग्राम अकाऊंट्सची माहिती मिळालेली आहे. दोन्ही आरोपींचीही चौकशी करण्यात येत आहे.
पोलिसांना त्या अल्पवयीन मुलीबद्दल कसे कळले?
सायबर सेलच्या म्हणण्यानुसार, जेव्हा मुलांच्या या लॉकर रूममधील सदस्यांची एक-एक करून तपासणी केली गेली तेव्हा असे आढळून आले की, बलात्काराबाबतची व्हायरल चॅट या ग्रुपमधील सदस्यांची नसून ती बाहेरील दोन लोकांमधील आहे. या तपासणीनंतरच या अल्पवयीन मुलीचे नाव समोर आले. यावेळी पोलिसांना सिद्धार्थ नावाचे प्रोफाइल बनावट असल्याचेही समजले.
२४ पेक्षा जास्त लोकांची चौकशी
डीसीपी अनेश रॉय या प्रकरणाबाबत म्हणाले, “आतापर्यंत बॉईज लॉकर रूम प्रकरणाशी संबंधित चोवीस पेक्षा जास्त लोकांची अनेकदा चौकशी झाली आहे. सर्व उपकरणे ताब्यात घेऊन फॉरेन्सिक तपासणीसाठी पाठविण्यात आले आहेत. त्याच वेळी, गटातील अश्लील चॅटिंगचे स्क्रीनशॉट सार्वजनिक केले गेले. त्याच्या आधारे एक अल्पवयीन मुलाची ओळख पटली आहे. गुन्हा दाखल करून त्याला अटकही केली आहे. यासह त्याचा मोबाईल जप्त करुन तपासणीसाठी पाठविण्यात आला आहे. त्यांनी ग्रुपमधील उर्वरित सदस्यांचीही चौकशी केली. नुकतीच दिल्लीतील काही शालेय मुले बॉईज लॉकर रूम नावाचा एक ग्रुप बनवून अश्लील चॅट करत होते अशी बातमी उघडकीस आली.
बॉईज लॉकर रूम म्हणजे काय?
वास्तविक ‘बॉईज लॉकर रूम’ हा इन्स्टाग्रामवर १७ ते १८ वर्षांच्या मुलांचा एक ग्रुप होता. ज्यामध्ये मुलींचे मॉर्फेड फोटो अपलोड करण्यात आले आणि आक्षेपार्ह गोष्टी केल्या गेल्या. मात्र, या दोघां मुलांमधील स्नॅपचॅटमध्ये झालेल्या बलात्काराशी संबंधित चॅटिंगमुळे हे प्रकरण उघडकिस आले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.