टीम हॅलो महाराष्ट्र । छत्तीसगडमधील बस्तर आणि दंतेवाडा भागात सुरक्षा दलाने धडक मोहीम राबवली आहे. या ठिकाणी असलेले नक्षलवाद्यांचे तळ उध्वस्त करत १२ नक्षलींना ताब्यात घेण्यात लष्कराच्या तुकडीला यश आलं आहे.
पोलीसांना किलेपाल आणि मुंडानार गावानजीकच्या जंगलात काही नक्षलवादी असल्याची माहिती मिळाली होती. यानुसार या परिसरात शोधमोहीम राबवण्यात आली. बुधवारी सायंकाळच्या सुमारास डीआरजीच्या जवानांनी कटेकल्याण आणि पखनार गावाच्या मध्यात असलेल्या जंगलातील नक्षलवाद्यांच्या ठिकाणास घेरले.
जवानांच्या कारवाईची चाहुल लागताच नक्षलवाद्यांकडून जवानांवर गोळीबार सुरू करण्यात आला. ज्याला जवानांकडून सडेतोड प्रतित्युत्तर देण्यता आले. साधारण अर्धातास चाललेल्या चकमकीनंतर जवानांनी १२ नक्षलवाद्यांना घटनास्थळावरून ताब्यात घेतले. यासोबतच काही घातक स्फोटकेही यावेळी जप्त करण्यात आली आहेत.
या चकमकीत डीआरजीचा एक जवान जखमी झाला असल्याची देखील माहिती समोर आली आहे. त्याच्यावर सध्या उपचार सुरू आहेत. ताब्यात घेण्यात आलेल्या नक्षलवाद्यांची चौकशी सुरू असल्याची माहिती अधिकाऱ्यांकडून देण्यात आली आहे.
Chhattisgarh: 12 suspected Naxals were taken into custody for interrogation following an encounter between District Reserve Guard (DRG) jawans and Naxals in the border of Dantewada and Bastar districts. One DRG personnel sustained minor injuries during the encounter. (15.1)
— ANI (@ANI) January 15, 2020
Chhattisgarh: 12 suspected Naxals were taken into custody for interrogation following an encounter between District Reserve Guard (DRG) jawans and Naxals in the border of Dantewada and Bastar districts. One DRG personnel sustained minor injuries during the encounter. (15.1)
— ANI (@ANI) January 15, 2020