Dailyhunt आणि OneIndia ची दिल्ली पोलिसांना साथ; नागरिकांचे सक्षमीकरण आणि सुरक्षिततेसाठी घेतला मोठा निर्णय

हॅलो महाराष्ट्र ऑनलाईन । भारतातील नंबर 1 स्थानिक भाषा सामग्री शोध मंच डेलीहंट आणि वनइंडिया पोर्टलने दिल्ली पोलिसांसोबत धोरणात्मक भागीदारीची घोषणा केली आहे. नागरिकांची सुरक्षितता आणि सुरक्षिततेशी संबंधित महत्त्वाच्या माहितीसाठी अखंड प्रवेशासह नागरिकांना सक्षम करणे हे या २ वर्षाच्या भागीदारीचे मुख्य उद्दिष्ट आहे. या काळात, डेलीहंट आणि वनइंडिया दिल्ली पोलीस सायबर सुरक्षा, महिला सुरक्षा, मादक पदार्थांच्या गैरवापराबाबत जागरूकता करणे आणि अशा इतर सामाजिक समस्यांना प्रोत्साहन देण्यासाठी आपल्या प्लॅटफॉर्मवरील प्रेक्षकवर्गाचा फायदा घेऊन दिल्ली पोलिसांना त्यांच्या प्रयत्नांमध्ये सक्षम करतील.

डेलीहंट आपल्या प्लॅटफॉर्मवर दिल्ली पोलिसांचे प्रोफाईल लॉन्च करेल आणि व्हिडीओ, शेअर कार्ड्स, लिस्टिकल्स, याद्या, लाइव्ह स्ट्रीम आणि बरेच काही नाविन्यपूर्ण फॉरमॅटचा फायदा घेतील ज्यामुळे प्रेक्षकांना, विशेषतः तरुणांना सक्रियपणे गुंतवून ठेवता येईल. तर दुसरीकडे, OneIndia वर संबंधित विषयांवरील लेख, इन्फोग्राफिक्स आणि व्हिडिओ अनेक प्रादेशिक भाषांमध्ये प्रकाशित केले जातील, ज्यामुळे प्रादेशिक प्रेक्षकांमध्ये जास्तीत जास्त प्रभाव आणि प्रसिद्धी निर्माण होईल. यामुळे दिल्ली पोलिस समुदायाशी संवाद वाढवतील, लोकांमध्ये जागरूकता निर्माण करतील आणि विविध प्रेक्षक वर्गातील महत्त्वाच्या विषयांवर अगदी सोप्या शब्दात चर्चाही करतील.

याबाबत, दिल्ली पोलीस खात्याच्या डीसीपी सुमन नलवा यांनी सांगितलं कि, दिल्ली पोलिसांचा नागरिकांशी, आणि विशेषत: तरुण पिढीशी संबंध मजबूत करणे हाच या धोरणात्मक भागीदारीचा मुख्य उद्देश आहे. डेलीहंट आणि वनइंडियाच्या यूजर्सच्या आधारावर आम्ही आम्ही नाविन्यपूर्ण संघटना शोधण्यासाठी उत्सुक आहोत. तसेच आमचा मेसेज लोकांपर्यंत प्रभावीपणे पोचवणे आणि आमची डिजिटल उपस्थिती मजबूत करण्याची अपेक्षा आम्ही व्यक्त करतो. डेलिहंट आणि वन इंडियाच्या सहकार्यामुळे आम्ही प्रेक्षकांमध्ये अर्थपूर्ण चर्चा वाढवू असा आम्हाला विश्वास आहे.