Drone Didi Scheme | ड्रोन दीदी योजनेअंतर्गत महिलांना मिळणार 8 लाख रुपयांचे अनुदान; असा मिळणार लाभ

Drone Didi Scheme | सरकार सामान्य नागरिकांसाठी अनेक योजना आणत असतात. त्यातही स्त्रियांना केंद्रस्थानी ठेवून ते वेगवेगळ्या योजना आणत असतात. स्त्रियांना त्यांच्या पायावर उभे करण्यासाठी आणि स्वावलंबी बनवण्यासाठी केंद्र सरकार आणि प्रयत्न करत असतात. अशातच आता केंद्र सरकारने ड्रोन दीदी योजना राबवली आहे. या योजनेअंतर्गत देशातील महिलांना स्वावलंबी बनवण्यासाठी एक अनोखा उपक्रम केला जाणार आहे. सरकारने बचत गटाशी संबंधित जवळपास 3000 महिलांना ड्रोन उपलब्ध करून देण्याचा निर्णय घेतलेला आहे.

या उपक्रमांतर्गत महिलांना ड्रोनचे प्रशिक्षण देखील दिले जाणार आहेत. आणि दहा लाख रुपयांपर्यंतचे अनुदान दिले जाणार आहे. सरकारच्या या ड्रोन दीदी योजनेचा (Drone Didi Scheme) लाभ हा उत्तर प्रदेश, महाराष्ट्र, कर्नाटक राज्यातील आर्थिक दृष्ट्या कमकुवत असणाऱ्या शेतकरी महिलांना मिळणार आहे. आता हा उपक्रम नक्की कसा असणार आहे? याची सविस्तर माहिती आपण जाणून घेणार आहोत.

8 लाख रुपयांपर्यंत सबसिडीची सुविधा | Drone Didi Scheme

ड्रोन दीदी योजनेअंतर्गत देशातील शेतकरी महिलांना कृषी विभाग किंवा कृषी विज्ञान केंद्राकडून ड्रोन उडवण्याचे मोफत प्रशिक्षण दिले जाईल. याशिवाय शेतीच्या कामासाठी ड्रोन खरेदी करू इच्छिणाऱ्या महिलांना या योजनेअंतर्गत अनुदान आणि कर्ज अशा दोन्ही सुविधा मिळणार आहेत ड्रोनच्या बाजारभावाच्या 80 टक्के (8 लाख रुपये) पर्यंत सबसिडी असेल. उर्वरित रकमेसाठी महिलांना AIF योजनेअंतर्गत 3 टक्के व्याजदराने कर्जाची सुविधा मिळेल.

या सुविधा ड्रोन किटमध्ये उपलब्ध

ड्रोनचा वापर शेतीपासून इतर कामांपर्यंत अनेक प्रकारच्या कामांमध्ये केला जातो. त्याचप्रमाणे, जर आपण शेतीबद्दल बोललो तर ते नॅनो खते, कीटकनाशके इत्यादी फवारणीसाठी मदत करते. मिळालेल्या माहितीनुसार, ड्रोन दीदी योजनेंतर्गत महिलांना देण्यात येणाऱ्या ड्रोन किटमध्ये ड्रोन बॉक्स, चार बॅटरी आणि चार्जिंग हब आदी गोष्टी देण्यात येणार आहेत.

नियोजनासाठी आवश्यक निकष

• उत्तर प्रदेश, महाराष्ट्र आणि कर्नाटकातील महिला नागरिकांनाच या सुविधेचा लाभ मिळणार आहे.
• योजनेत स्वारस्य असलेल्या महिलांनी स्वयंसहाय्यता गटाच्या सदस्यत्वाशी जोडले पाहिजे.
• याशिवाय महिलांकडे शेतीसाठी स्वतःची जमीन असावी.
• लक्षात ठेवा की अर्जदार महिलांचे वय 18 ते 37 वर्षे दरम्यान असावे.
• या योजनेत काम करण्यास इच्छुक महिलांना 15,000 रुपये दिले जातील.
• महिलांचा एक क्लस्टर तयार केला जाईल, जो 10-15 गावांमध्ये समान असेल.

योजनेसाठी आवश्यक कागदपत्रे | Drone Didi Scheme

अर्ज करण्यासाठी शेतकरी महिलांना त्यांची महत्त्वाची कागदपत्रे असणे बंधनकारक आहे. जे असे काही आहे. जसे- आधार कार्ड, स्थानिक रहिवासी प्रमाणपत्र, पॅन कार्ड, फोन नंबर, ईमेल आयडी, पासपोर्ट आकाराचा फोटो आणि SHG ओळखपत्र इ.