हॅलो महाराष्ट्र ऑनलाईन । प्रसिद्ध कॉमेडियन कुणाल कामराने (Kunal Kamra) त्याच्या कार्यक्रमात गाण्याच्या माध्यमातून महाराष्ट्राचे उपमुख्यमंत्री एकनाथ शिंदेंवर (Eknath Shinde) निशाणा साधला होता.. एकनाथ शिंदेंना गद्दार आणि ठाण्याचा रिक्षावाला म्हणून कुणाल कामराने टीका केली होती… या टीकेनंतर शिंदे गटाच्या कार्यकर्त्यांनी संताप व्यक्त करत अंधरी येथील कुणाल कामराच्या स्टुडिओची तोडफोड केली…आता खुद्द एकनाथ शिंदेनी या संपूर्ण प्रकरणावर भाष्य करत मी संवेदनशील आहे. मला सहन करण्याची खूप ताकद आहे. मी कुणालाही बोलत नाही असं म्हंटल आहे.
एका वृत्तवाहिनीला दिलेल्या मुलाखतीत एकनाथ शिंदे म्हणाले, मी आरोपांवर प्रतिक्रिया देतच नाही. तीन वर्षांपूर्वी सरकार स्थापन झाल्यापासून आरोपांच्या फैरी लोकं झाडत होते. मी नेहमी सांगायचो की, आरोपांना मी कामाने उत्तर देणार आहे. आरोपांना आरोपाने उत्तर द्यायला लागलो, तर आपला फोकस बदलतो. आरोपाला कामातून आम्ही उत्तर दिले. त्यामुळे जनतेने आम्हाला पुन्हा निवडून दिले. 80 पैकी 60 जागा आम्हाला मिळाल्या. मी संवेदनशील आहे. मला सहन करण्याची खूप ताकद आहे. मी कुणालाही बोलत नाही. शांत रहाणे, काम करणे, कामावर फोकस केंद्रीत करणे आणि लोकांना न्याय देण्याचे काम करतो. त्यामुळे दैदिप्यमान यश मिळाले आहे,” असे एकनाथ शिंदे यांनी सांगितले.
ते पुढे म्हणाले, अभिव्यक्ती स्वातंत्र्य आहे. परंतु, तुम्ही गैरफायदा घेऊन विडंबन करू शकता. मात्र, हा एकप्रकारचा व्यभिचार, स्वयराचार आणि सुपारी घेऊन बोलण्याचे काम केले. मी कुठलीही प्रतिक्रिया दिली नव्हती. पण, कार्यकर्त्यांच्या भावना असतात. याच माणसाने सर्वोच्च न्यायालय, नरेंद्र मोदी, निर्मला सीतारमन, अर्णब गोस्वामी, उद्योगपतींबद्दल काय विधाने केली आहेत, ते पहा. हे काय अभिव्यक्ती स्वातंत्र्य नाही. हे कुणाची तरी सुपारी घेऊन आरोप केले आहेत. त्यामुळे मी प्रतिक्रिया दिली नाही. मी बोलणार सुद्धा नाही असं म्हणत एकनाथ शिंदेनी कुणाल कामराच्या टीकेवर अधिक बोलणं टाळलं…
कुणाल कामरा एकनाथ शिंदेंना नेमकं काय म्हणाला?
मुंबईतील ‘युनिकॉन्टिनेन्टल मुंबई’ या स्टुडिओमध्ये कुणाल कामराचा नुकताच स्टँड अप कॉमेडीचा शो पार पडला. हा शो काल रात्री आठ वाजण्याच्या सुमारास प्रसारित झाला. या शोमध्ये कुणालनं महाराष्ट्रातील गेल्या तीन वर्षातील राजकीय परिस्थितीवर भाष्य केलं. यावेळी कुणाल कामरा यानं थेट एकनाथ शिंदेंवर निशाणा साधला. शिंदेंबाबत त्यानं ‘दिल तो पागल है’ सिनेमातील गाण्यावरुन वडंबनात्मक गाणं लिहिलं. या गाण्यामध्ये कुणाल कामरा यानं एकनाथ शिंदेंचा उल्लेख ठाण्याचा रिक्षावाला आणि गद्दार असा केला.आणि एकनाथ शिंदेंवर टीकेची झोड उठवली…
ठाणे की रिक्षा, चेहरे पें दाढी, आँखो पे चष्मा
ठाणे की रिक्षा, चेहरे पें दाढी, आँखो पे चष्मा
एक झलक दिखलाए कभी, गुवाहाटी में छिप जाये
मेरी नज़र से तुम देखो, गद्दार नज़र वो आए
ठाणे की रिक्षा, चेहरे पें दाढी, आँखो पे चष्मा… हाये…
मंत्री नहीं वो दलबदलू है, और कहा क्या जाये…?
जिस थाली में खाए, उसमें ही वो छेद कर जाए…
मंत्रालय से ज्यादा फडणवीस की गोदी में मिल जाए
अशा आशयाचे हे गाणे होते… या गाण्यातील ठाण्याचा रिक्षावाला आणि गद्दार हे २ शब्द शिंदे गटाला चांगलेच झोंबले.. कुणाला कामराने एकनाथ शिंदेंना थेट टार्गेट केल्यानंतर शिंदे गट चांगलाच खवळला . शिंदे गटाच्या कार्यकर्त्यांनी कुणाल कामराच्या मुंबईतील स्टुडिओमध्ये धिंगाणा घातला . त्याच्या अंधेरी एमआयडीसी पोलिस ठाण्याच्या हद्दीतील सेटची ४० ते ५० शिवसैनिकांनी तोडफोड केली. स्टुडिओतील खुर्च्या फेकल्या, बल्ब फोडण्यात आले.. या प्रकरणामध्ये 40 शिवसैनिकांविरोधात गुन्हा दाखल करण्यात आला आहे.
