हॅलो महाराष्ट्र ऑनलाईन| विधानसभेच्या निवडणुकीनंतर (Assembly Election) रिक्त झालेल्या विधानपरिषदेच्या (Legislative Council) 5 जागांसाठी निवडणुकीची घोषणा करण्यात आली आहे. या जागांसाठी येत्या 27 मार्चला मतदान होणार आहे. ज्यामुळे निवडणूक प्रक्रियेला वेग आला आहे. सध्या राज्यामध्ये महापालिकेच्या निवडणुकांचे वारे वाहत असतात विधान परिषदेच्या निवडणुकीसाठी झालेली घोषणा राजकीय पक्षांसाठी महत्त्वाची ठरणार आहे.
मागील विधानसभेच्या निवडणुकीनंतर विधानपरिषदेतील पाच जागा रिक्त झाल्या होत्या. त्या पुन्हा भरण्यासाठी विधानपरिषदेच्या निवडणुकांची घोषणा करण्यात आली आहे. या 5 जागांसाठी होणाऱ्या निवडणुकीत महाविकास आघाडी, महायुती आणि इतर राजकीय पक्षांमध्ये चुरस पाहायला मिळेल. सध्या फक्त निवडणुकांची घोषणा आणि तारीख जाहीर करण्यात आली आहे. मात्र अद्याप उमेदवारांची नावे जाहीर करण्यात आलेली नाहीत.
