FD High Intrest Rate | अनेक लोक भविष्यासाठी काही रक्कम सुरक्षित करून ठेवत असतात. बाजारामध्ये अनेक पर्याय यासाठी उपलब्ध आहेत. परंतु बहुतांश लोक हे फिक्स डिपॉझिट म्हणजेच एफडीचा पर्याय निवडतात. अनेक बँका देखील त्यांच्या ग्राहकांना टिकवून ठेवण्यासाठी नवनवीन योजना घेऊन येत असतात. 2024 चे नवे आर्थिक वर्ष एप्रिल महिन्यात सुरू झाले. परंतु भारतीय रिझर्व बँकेने रेपो रेटमध्ये कोणताही बदल केला नाही. तो रेट 6.5% इतकाच ठेवला. त्यामुळे बँका त्यांच्या नवीन नवीन योजना त्यांच्या ग्राहकांपर्यंत पोहोचवत आहे. एसबीआय, पंजाब नॅशनल बँक, एचडीएफसी यांसारख्या बँक फिक्स डिपॉझिटमध्ये अधिक व्याज देणाऱ्या योजना (FD High Intrest Rate) घेऊन आलेल्या आहेत.
SBI मोड्स | FD High Intrest Rate
एसबीआय मोड्स नवीन स्कीम अंतर्गत आता त्यांच्या ग्राहकांना कोणत्याही प्रकारचे जास्त पैसे न देता 1000 मल्टिपलमध्ये पैसे काढता येणार आहे. या सोबतच पैशावरील व्याजात कोणत्याही प्रकारची कपात केली जाणार नाही. या योजनेअंतर्गत ग्राहकांना कमीत कमी दहा हजार रुपये गुंतवता येतात. त्याचप्रमाणे जास्त रक्कम गुंतवण्याची कोणतीही मर्यादा नाही. या योजनेअंतर्गत ग्राहकांना 7 दिवस ते 45 दिवसांच्या अवधीपर्यंत 3 टक्के व्याज मिळेल, तर ज्येष्ठ नागरिकांना 3.50 टक्क्यांनी व्याज मिळेल. 46 दिवसापासून ते 179 दिवसापर्यंतच्या एफडीमध्ये ज्येष्ठ नागरिकांना 5 टक्के तर सामान्य नागरिकांना 4.5% दराने व्याज मिळेल.
त्याचप्रमाणे 180 ते 210 दिवसांच्या गुंतवणुकीवर ज्येष्ठ नागरिकांना 5.60% तर सामान्य नागरिकांना 5.25% दराने व्याज मिळेल. 3 ते 5 वर्षापर्यंतच्या एफडीवर जेष्ठ नागरिकांना 7 टक्के आणि सामान्य नागरिकांना 6.50% एवढे व्याज मिळेल 5 ते 10 वर्षाच्या एफडीवर जेष्ठ नागरिकांना 7.50% तर सामान्य नागरिकांना 6.50% एवढे व्याज मिळेल.
पंजाब नॅशनल बॅंक | FD High Intrest Rate
पंजाब नॅशनल बँकेने त्यांच्या एफडी डिपॉझिटवर 12 एप्रिल 2024 पासून व्याजदरात बदल करण्यात आलेला आहे. त्यानुसार 120 ते 210 दिवसांच्या एफडीवर जेष्ठ नागरिकांना 6.8% तर सामान्य नागरिकांना 6.5% एवढे व्याज मिळेल. त्याचप्रमाणे 1 वर्षाच्या एफडीवर सामान्य नागरिकांना 7.25% तर ज्येष्ठ नागरिकांना 7.55% एवढे व्याज मिळेल. 400 दिवसांच्या एफडीवर जेष्ठ नागरिकांना 8.5% तर सामान्य नागरिकांना 7.3% एवढे व्याज मिळेल.
HDFC बॅंक
एचडीएफसी बँक एफडीवर सामान्य नागरिकांपेक्षा ज्येष्ठ नागरिकांना 0.5 टक्क्यांनी जास्त व्याज देत असते. एक वर्ष ते 15 महिन्यांच्या कालावधीसाठी 7.60 टक्के तर 2 वर्षे ते एक महिन्यापर्यंतच्या कालावधीसाठी 7.50% 3 वर्ष एक दिवसाच्या कालावधीसाठी 7.50% एवढे व्याज देते.