हॅलो महाराष्ट्र ऑनलाईन । एसबीआय नंतर, आता आणखी एका सरकारी बँकेने म्हणजे युनियन बँक ऑफ इंडियाने एमसीएलआर (फंड लेन्डिंग रेटची मार्जिनल कॉस्ट) दर कमी करण्याची घोषणा केली आहे. बँकेने आपल्या सर्व कालावधीसाठीचे एमसीएलआर दर हे 0.20 टक्क्यांनी कमी केले आहेत. या निर्णयानंतर युनियन बँकेचे प्रमुख कर्ज दर हे 7.40 टक्क्यांवरून 7.20 टक्क्यांपर्यंत खाली आले आहेत. आता एमसीएलआरवर आधारित सर्व कर्जाची एमएमआय कमी होईल. एसबीआयनेही कर्जाचे दर कमी केले आहेत. एसबीआयने आता आपल्या अल्प मुदतीतील एमसीएलआर दर १० जुलैपासून 0.05 टक्क्यांवरून 0.10 टक्क्यांवर आणण्याची घोषणा केली आहे. यापूर्वी एसबीआयने जूनमध्ये व्याजदरात 0.25 टक्क्यांनी कपात केली होती. 22 मे रोजी आरबीआयने रेपो दर 0.40 टक्क्यांनी कमी करून 4 टक्क्यांवर आणला होता. यानंतर पंजाब नॅशनल बँक, बँक ऑफ इंडिया आणि युको बँक यांनीही आपल्या रेपो आणि एमसीएलआरशी संबंधित कर्जाचे दर आधीच कमी केलेले आहेत.
एमसीएलआर म्हणजे काय
एमसीएलआर म्हणजेच Marginal cost of Funds Lending Rate. हा असा दर आहे ज्याच्या खाली येण्याने बँक कर्ज देऊ शकत नाही. अर्थात हे कमी झाल्यामुळे आता बँक कमी दराने कर्ज देऊ शकेल, जेणेकरुन हाउस लोन ते वेहिकल लोन पर्यंतचे सर्व काही आपल्यासाठी स्वस्त होईल.
परंतु नवीन ग्राहक तसेच एप्रिल 2016 नंतर कर्ज घेतलेल्या ग्राहकांनाच याचा लाभ होईल, कारण त्यापूर्वी कर्ज देण्यास किमान दर निश्चित करण्यात आला होता. म्हणजेच बँका कमी दराने ते देऊ शकलेली नाहीत.
युनियन बँकेने जूनमध्येही व्याज दर कमी केले होते
युनियन बँक ऑफ इंडियाने जूनमध्येच आपल्या सर्व ग्राहकांना दिले जाणारे कर्ज दर कमी करण्याची घोषणा केली होती. युनियन बँक ऑफ इंडियाने त्या काळात मुख्य व्याज दर एमसीएलआरमध्ये 0.10 टक्क्यांनी कपात केली होती. त्यावेळी युनियन बँक ऑफ इंडियाने एक वर्षाच्या कर्जावर आपले एमसीएलआर दर हे 7.70 टक्क्यांवरून 7.60 टक्के केले होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.