नवी दिल्ली । अ‍ॅमेझॉन या ऑनलाईन शॉपिंग प्लॅटफॉर्मवर आता ग्राहकांना औषधे (Medicines) देखील मिळतील. म्हणजेच ही ई-कॉमर्स कंपनी आता कपडे, फुटवेअर, इलेक्ट्रॉनिक वस्तू बरोबर आता औषधांचीही होम डिलिव्हरी देईल. सध्या कंपनीने अ‍ॅमेझॉन फार्मसीच्या नावाने अमेरिकेत (US) सुरू केली आहे. अ‍ॅमेझॉनच्या या निर्णयामुळे अमेरिकेतील ड्रग रिटेलर्स वॉलग्रिन्स (Walgreens), सीव्हीएस (CVS) आणि वॉलमार्टला (Walmart) कडक स्पर्धा होईल अशी अपेक्षा आहे.
ग्राहकांना किंमतीची तुलना करण्याची सोयही मिळेल
अ‍ॅमेझॉनने प्रिस्क्रिप्शनच्या औषधाची ऑनलाईन खरेदी सुलभ करण्यासाठी अमेरिकेत अ‍ॅमेझॉन फार्मसी नावाची एक ऑनलाइन फार्मसी सेवा सुरू केली आहे. अ‍ॅमेझॉन लवकरच जगभरात ऑनलाइन फार्मसी सुरू करण्याचा विचार करीत आहे. अ‍ॅमेझॉन वेबसाइट किंवा त्याच्या अ‍ॅपवर ग्राहकांना औषध खरेदी करण्यापूर्वी औषधाच्या किंमतींची तुलना (Price Compare) करण्याची सुविधा देखील मिळेल. याद्वारे, सप्लायर स्वस्त औषधे विकणार्‍या सप्लायरकडून औषध खरेदी करण्यास सक्षम असेल.
लॉयल्टी क्लब मेंबर्सना कंपनी देणार भरपूर डिस्‍काउंट
अ‍ॅमेझॉनच्या लॉयल्टी क्लब सदस्यांनाही औषध खरेदीवर जोरदार डिस्‍काउंट मिळणार आहे. अ‍ॅमेझॉनने सांगितले की, ही कंपनी अमेरिकेत प्रिस्क्रिप्शन-आधारित औषधाच्या होम डिलिव्हरीसाठी दोन वर्षांपासून काम करत होती. यावेळी कंपनीने अमेरिकेच्या सर्व राज्यांतून औषधाच्या डिलिव्हरीसाठी परवाना घेतला व सप्लाय चैन तयार केली. अमेरिकन मार्केट रिसर्च फर्म जेडी पॉवर सांगते की या क्षेत्रातील अ‍ॅमेझॉनचा मार्ग सोपा असणार नाही, कारण इतर ड्रग्ज रिटेलर्स वालग्रीन, सीव्हीएस हेल्थ, वॉलमार्ट, राइट एड, कॉर्गर यासह अनेक कंपन्यांशी त्यांना स्पर्धा करावी लागेल.
अ‍ॅमेझॉन फार्मसीला आव्हानांना सामोरे जावे लागेल
जेडी पॉवरच्या म्हणण्यानुसार, अमेरिकेत औषधांच्या ऑनलाइन डिलिव्हरीसाठी ऑर्डरही कमी आहे. अशा परिस्थितीत अ‍ॅमेझॉन फार्मसीला मोठ्या आव्हानांना सामोरे जावे लागेल. तथापि, जेडी पॉवरने असेही म्हटले आहे की, अमेरिकेत कोरोना विषाणूमुळे या काळात ऑनलाइन औषध खरेदी करण्याचा ट्रेंड वाढला आहे. त्याचबरोबर, अ‍ॅमेझॉन त्याच्या प्राइम मेंबर्सना जोरदार डिस्‍काउंट देईल. याद्वारे ही कंपनी अमेरिकेतल्या इतर कंपन्यांशी स्पर्धा करू शकते आणि ड्रग्सच्या डिलिव्हरीच्या क्षेत्रात पाऊल ठेवू शकते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.